Football titi

c Juventus chuan Belgium striker Romelu Lukaku lak nan 25m euros (£21.4m) bakah Serbia striker Dusan Vlahovic pek tel an phal tih Chelsea an hrilh. (Corriere dello Sport, via Football London)

c Juventus in lak duh viau mah se hian kum khata a hlawh tur atangin £1m zet tihniam tur pawhin Inter Milan chu a ngheta zawm a duh zawk ve mauh thung. (Telegraph – subscription required)

c Chelsea chuan Juventus nen inremna an neih hmain Inter Milan hnenah Lukaku lak an tum a nih chuan hma la vat turin an hrilh a. (Tuttosport, via Mirror)

c Bayern Munich chuan Tottenham leh England striker Harry Kane chu an ngamna zat £70m bakah pek belh leh theih turin an tisang. (Guardian)

c Al-Ettifaq manager thar Steven Gerrard chu Ivory Coast winger Wilfried Zaha nen kum khatah £16m zet hlawh thei turin an indawr. Zaha hian Crystal Palace-ah contract a hman zawh hnuin club a nei lo mek a, Saudi Arabia pan thei dinhmunah a ding mek. (Mail)

c Denmar striker Rasmus Hojlund nen kum 2028 thleng daih contract ziak turin a thuphunga inremna an neih hnuin Manchester United chu Atalanta dawr thuai turin an inbuatsaih. (Nicolo Schira)

c Aston Villa chuan Bayer Leverkusen winger Moussa Diaby an ngaihven a. Kum 24 mi hi an la duh tak zet a nih chuan an club player manto ber ni turin £50m senga an lak a ngai dawn thung. (Mail)

c Fulham leh Crystal Palace chuan Barcelona atanga USA full-back Sergino Dest lak tumin an ngaihven. (Mundo Deportivo – in Spanish)

c Tottenham in an chhiarna zat £40m a an dawr loh chuan Dutch defender Micky van de Ven chu Wolfsburg in kawl chhunzawm an tum. (Wolfsburger Allgemeine, via Express)

c Leicester City leh England winger Harvey Barnes chuan tun nipui bazar inhawn chhung ngeiin Newcastle United zawm a duh. (Football Insider)

c Fulham leh Saudi Arabian club ten an ngaihven Manchester United leh Brazil midfielder Fred chuan a agent a thlak. (Fabrizio Romano)

c France forward Kylian Mbappe a chhuak a nih chuan Paris St-Germain chuan a hmunruak luahtu atan Napoli leh Nigeria striker Victor Osimhen lak an tum dawn. (Gazzetta dello Sport, via Football Italia)

c USA legend Landon Donovan chuan Chelsea leh American winger Christian Pulisic-a’n Major League Soccer club aia AC Milan zawm a duh zawk teh tlat chu a sawisel. (Fox Sports, via Football Transfers)

c Roma boss Jose Mourinho chuan an club hlui Manchester United atangin Scotland midfielder Scott McTominay lak a duh. (Football Transfers)

c Pulisic club thar AC Milan hian season liam taah Manchester United-ah loan a khel Bayern Munich leh Austria midfielder Marcel Sabitzer an ngaihven bawk. (Calciomercato – in Italian)

c Manchester United leh Newcastle te chu France defender Axel Disasi club thar ni thei dinhmunah an ding tih pho lan a ni a. Mah se EPl club pahnihte hian kum 25 mi hi an la dawr lo ve ve thung. (Fabrizio Romano)

c Netherlands defender Jurrien Timber chu Arsenal zawm tura medical a paltlang hnuin Netherlands-ah a kir leh phawt a. Kar tawpa Gunners a zawm fel hmain inthlahna hum hlimawm a huaihawt leh zet dawn. (Metro)

c Sheffield United chuan Nottingham Forest midfielder Lewis O’Brien lak an duh. (Sheffield Star)

c Everton chuan Aston Villa a contract hmang zo England full-back hlui Ashley Young chu an hnena khel turin an sawm. (Football Insider)

c Liverpool chuan English defender Nat Phillips chu Leeds United ah chhuahtir an tum a, mah se a nghet ngei chauhin chhuahtir an tum thung. (Sun)

c Manchester United chuan season liam taah pawh loan a an lo chhuahtir tawh Ivory Coast winger Amad Diallo chu loan a chhuahtir leh an hreh lova, dawrtu an awm a nih chuan tha taka dawnsawn an tum. (Football Insider)

c Strasbourg leh Senegal forward Habib Diallo lak tum zingah West Ham an tel. (Football Insider)

c Chelsea defender John Terry chuan Blues academt tana thawk turin Stamford Bridge-ah a kir leh tur thu a sawi. (John Terry)