Samagra Shiksha hnuaia Grassroot Sports Development Programme (GSDP) Mizoram State Level Football intihsiak hmasa ber chu Nilaini khan Serchhip Sports Complex ah neih tan a ni a, I&PR deputy director K Saitluanga chuan a hawng.
A hawnna report danin Grassroot Sports Development Programme hi Samagra Shiksha hnuaia an hmalakna pakhat a ni a, kum 2022 atanga kalpui tan a ni. Mizoram pumah football hi Centre 13 awmin Aizawl leh Lunglei district-ten centre pahnih ve ve neiin district dangten centre pakhat theuh an nei. Hockey, boxing leh weightlifting-ah centre 7 theuh din tawh niin, badminton zirna centre 6 kalpui mek a ni.
State level sports association 5 – football, hockey, boxing, badminton leh weightlifting te nen thawhhona thuthlung an ziak fel tawh a. State level competition hi boxing, badminton leh weightlifting te hi tunhnaiah Aizawlah buatsaih a ni a. Football leh hockey hi Serchhip district-a nghah niin, hockey hi Nilaini atang vek khan Thenzawlah khelh a ni a, football hi Serchhipah khelh a ni thung.
May 26 hian a kharna neih tura ruahman a ni a. Football intihsiakah hian Grassroot Football Centre 13 atangin district tin aiawhin team 11 an inlan dawn a, Aizawl leh Lunglei district-ten centre pahnih ve ve nei mah se, team khat angin an inlan a, district dang zawngten team khat theuh an nei.
India national hockey player Lalremsiani, tuna South Australia, Adelaide khawpuia Test Match khela awm mekin fuihna thuchah a rawn thawn chu hawnna inkhawmah hian chhiarchhuah a ni.
Football zirna school-te intihsiak
Get real time updates directly on you device, subscribe now.
Prev Post