Footballer upa ber Miura la chawl dawn lo!

Kum 56 mi ni tawh chungin khawvela pro-fessional footballer upa ber ni mek Kazuyoshi Miura chuan nikum khan Japanese fourth tier lamah goal hnih a la thun zak zak a, tunah pawh chawlh lam la hawi loin a khelh mek-na Portuguese second-tier club Oliveirense-ah loan-a a khawsak hun chhung tur a la pawtsei sauh sauh!
Japan striker striker hlui hian kumin January thla khan Japanese club Yokohama FC atangin loan-in Oliveirense hi a zawm a, tuna a contract a pawhsei hi inremna nghet ni loin loan kal lai bawk a ni a, a rei zawng erawh tarlan tel a ni lo. Yokohama leh Olivei-rense neitute hi Japa-nese-ho an ni.
Kuminah Miura hian khelmual chhungah mi-nute 28 chiah inelna a la hmachhawn a, match thum a khelhte hi substi-tute bench atanga a luh vek a ni nghe nghe.
Portuguese season liamta tawp nia Olivei-rense-in 4-3-a Leixoes an hneh tum khan Miura hian a tawp lam minute 26 chhung khel-in, man of the match atana puan a ni!
Kha match-a lehlam pawl manager chuan man of the match-a putar an puang kha a pawm lo nasa mai a, “Kan inkhel chu circus-ah kan chhuah a ni hawt e,” a ti ngal ngal!
Miura hian kum 1986 daih tawh khan Brazi-lian side Santos-ah a career bul tanin, kum 2005 atangin Yokoha-ma thuam a la inbel chho ta ngar ngar a; nikum khan fourth-tier Suzuka Point Getters lamah loan-a chhuahtir niin, he team manager hi a u Yasutoshi niin, a tir lama tarlan tawh ang khan, game 18 a khelh-ah goal hnih a tilut.
Yokohama FC a zawm hmain Italy, Croatia leh Australia lamah club football a lo khel kual tawh bawk.
He Japanese foot-ball legend hian kum 23 kalta khan interna-tional football chawlh-san tawhin, ram tana game 89 a khelhah goal 55 a tilut tling.
Ram tana inkhelh a bansan hnuah club foot-ball a la thlah duh lo a, a lo sawi tawh thin ang-in, kum 60 a tlin thlengin professional footballer a ni thei tak tak mai dawn niin a lang!