Fur hma ngeia Sairang-Vairengte inkar siam zawh hman an phut

Fur a hnaih tawh avangin Sairang – Vairengte inkar kawngpui siamthat mek chu rang zawka siam zawh a nih theihnan NHIDCL leh state sawrkarin hma la chak turin an phut thar tih Joint Civil Society of Mizoram chuan an sawi.Ram leh hnam thatna tur duhtu pawl ho intelkhawmna – Joint Civil Society of Mizoram (JCM) hian nikum lama kawng chhiat avanga harsatna nasa tak thlenna hmun, Sairang leh Kawnpui inkar kawng siam mek chu Thawhlehni khan a hmunah an en a. Kolasib Joint Action Committee nen an inkawm bawk tih an sawi.
Sairang leh Kawnpui kawngah, Buchali leh Sairang inkar bikah fur ruahtui tlak hmaa siam ngai a la awm nual tih sawiin, ‘Tun thlengin ruahtui tlak hlekah pawh dil ang maia tui tling a la awm a, Sairang atanga Sihhmui peng pawh lirthei lian kal hleihtheih loh leh truck tang khawpa a chhiat avangin rang takin NHIDCL-in an siam nghal kan phut a ni,’ an ti.
Mizorama national highway tam ber chu NHIDCL hnuaiah a awm avangin an hnathawh that leh that loh endiktu tur Monitoring Team an awm loa, anmahni an in-monitor mai chu tha an ti lo tih an sawi.
Thenawm state sawrkar ho tih angin Mizoram sawrkar chu 3rd Party Monitoring Team din turin an ngen a, sawrkarin a ti lo a nih chuan district hrang hranga mi thahnemngai leh thalai intelkhawma Monitoring Team indin mai a tulin an hria tih an sawi a ni.
‘Mizoram dung leh vangah kawngpui chhia avangin nikum lamah harsatna tam tak a thleng a. Tunah hian Mamit kawng, Tuidam kawng, Lungleng kawng leh khaw dang tam tak kawng fur ruahtui tlak leh hma ngeia siam turin Mizoram sawrkar kan ngen,’ a ti.
NH 06/306 Vairengte – Sairang chu hmun tam