Fur ruah hmasa hân rih dawn, June 11 atangin tha tharin

India-a ruah sur chu chawlhkar khat vel a awl leh rih dawn a, June 11 vel atangin thapuiin a lo thawk thar leh dawn niin khawchin zirtuten an sawi.
Kum tin furpui lo thleng thin hi kuminah hian a intan hma a, kum 16 chhunga a intan hma ber kum niin weather bureau hotu lian pahnihin Thawhtanni khan sawi.
Furpui hi Indian economy $ tluklehdingawn maktaduai 4,000 chuang innghahna pawimawh tak a ni a. Lo leh thlain tui a mamawh bakah tuikhuah leh tui lak zawng zawng 70% dawn hi fur laia ruah sura innghat a ni.
India-a lo zawng zawng zinga a zahve vel zet chuan tuikawng an nei lo va, kum tina furpui an tin, June-September thla chhunga ruah sur hi an thlai chawm nan an ring tawp a ni.
Kumina fur intan meka ruah sur hmasa hi a awl leh rih deuh dawn niin India Meteorological Department (IMD) Pune office-a scientist SD Sanap-a chuan a sawi a. June 11-12 atang hian thapuia thawk thar leh tura beisei niin tuna a la tuam loh hmun dang pawh tuam chhuak tawh tura an ngaih thu a sawi.
Kumina fur ruahtui tla hmasa ber hi Kerala-ah May 24-ah thlengin reilo te chhungin chhim lam a tuam chhuak a, hmarchhak tuam lehin khawthlang lam hmun thenkhatah a sur hman bawk a. Heng zawng zawng hi a lo thlen thin pangngai aia hma hret vek a ni.
Ruah sur hmasa hi ni rei vak lo chhung chu a hân deuh rih dawn niin mi thiamte chuan an sawi a, fur thleng mek vilnaah pawh IMD chart-ah tar lan a ni.
Ruah lo haw leh tur hi Bay of Bengal atangin June 11 velah a intan leh dawn a, hetah hi chuan furpui tak tak ni tawh tura ngaih a ni a, India hmar lam pawh a tuam vek tawh dawn niin weather department hotu sangten an sawi a ni.
Kum dangah chuan fur ruahtui hi a dawng hmasa ber, Kerala-in June 1 atangin an dawng tan tlangpui thin a, July thla laihawl velah ram pum tuam chhungin lo neituten buh, vaimim, la, soybean leh fu chinna hun atan an hmang thin.
Kumina beisei aia hmaa ruah a sur hi lo neitute an lawm hle a, tam tak a sur bawk avangin a barakhaih hle zawk niin mi thiamte chuan an sawi.
Kumina fur ruah tla hma hi a tam tham hle a, India chhim lam leh hmarchhak hmun hrang hrangah chhiatna pawh a thlen nual hman a ni.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Získejte nejnovější lifestylové tipy a triky, skvělé recepty a užitečné články o zahradničení na našem webu. Najdete zde inspiraci pro každodenní život a zároveň se dozvíte, jak si užít každý okamžik plný radosti a harmonie. Sledujte náš web a buďte v obraze s nejlepšími praktickými informacemi pro váš každodenní život. Buďte svědomitými zahradníky a vychutnejte si zdravé a čerstvé plody své práce. Jak pěstovat obří cibuli přírodní cestou: 3 tradiční metody Automatizace prací v zubním lékařství s pomocí MIS: Jak připravit červený rybízový kompot na zimu: recept Jak dosáhnout hladkého růstu mrkve a zabránit praskání: jednoduchý trik Proč byly v Sovětském svazu vysazovány topoly a proč se Jak kočky rozpoznávají své majitele a rozlišují Nejoblíbenější tipy a triky pro domácnost, vaření a zahradničení: Inspirujte se našimi články plnými užitečných rad pro každodenní život. Objevte nové recepty, lifestylové nápady a rady pro pěstování zeleniny pro vaši zahradu. Staňte se mistry v kuchyni a zároveň zahradníky s našimi užitečnými články.