G20 chief coordinator Harsh Vardhan Shringla chuan March 2-a G20 Business meeting Mizoramin a thlen tura inbuatsaihna enfiahin Zirtawpni khan Aizawl a thleng a. Ministry of External Affairs additional secretary leh financial advisor ni bawk Vibhu Nayar leh sawrkar laipui official-ten an rawn tawiawm.
-- Advertisement --
Lengpui Airport-ah Tourism principal secretary Manisha Saxena leh state sawrkar official ten an lo hmuak a. Harsh Vardhan Shringla hian Lengpui Airport-a inbuatsaihna kal mek chu enfiah nghalin, G 20 meeting neihna tur Mizoram University Auditorium leh Multipurpose Hall-te a enfiah bawk.
Team member-ten MZU Auditorium leh Multipurpose Hall a thil tul leh pawimawhte a hmuna an enfiahnaah Tourism principal secretary bakah Home commissioner H Lalengmawia, Tourism secretary Esther Lalruatkimi leh department thenkhata hotuten an tawiawm a ni.
Zirtawpni chawhnu khan chief coordinator hian G-20 Core Team leh a hnuaia committee pengte meeting a neihpui a. Zan lamah Tourism minister Robert Romawia Royte chuan cultural leh dinner programme a buatsaihsak.
G20 chief coordinator hian vawiin, Inrinni hian chief minister Zoramthanga a hmu anga, hemi hnu hian Delhi a pan nghal ang.