Gandhi Peace Prize for 2021 chu Gita Press, Gorakhpur, religious text publisher lian ber zinga tel Bhagavad Gita, Ramayana leh Upanishads te publish-tu hnenah hlan tura tih a ni.
Gita Press hnena award hlan hi Prime Minister Narendra Modi hova Pathiannia uluk taka ngaihtuahna neih hnua thlan niin Gita Press te chu ‘Non-violent leh Gandhian method dangte hmanga social, economic leh political a inthlak danglamna siamtu’ tiin Culture Ministry chuan thuchhuah siamin a tarlang.
Remna leh vantlang inlungrualna awm theih nan Gita Press te hnathawh pawimawhna sawiin Modi chuan award hlan an ni pawh institution-in community service tha taka an kalpui vang tiin a sawi bawk.
Kum tina pek thin Gandhi Peace Prize hi kum 1995 atang khan pek chhuah tan niin Mahatma Gandhi pianchampha 125-ah hian award hian Rs 1 crore bakah citation te a keng tel dawn a ni.
He award lo dawng tawh pawl zingah Indian Space Research Organisaton, Ramkrishna Mission, Grammen Bank of Bangladesh, Vivekananda Kendra, Kanyakumari and Sulabh International, New Delhi te pawh an tel a ni.
Anni bakah hian President of Souht Africa ni thin Nelson Mandela, social worker Baba Amte, Archbishop Desmond Tutu of South Africa, environmentalist Chandhi Prasad Bhatt leh Bangabandhu Sheikh Mujibur Rahman of Bangladesh te pawh an tel.
Gita Press te hi khawvela publisher lian ber te zinga mi niin tawng hrang hranga 14 hmangin lehkhabu 41.7 crore an tichhuak tawh a, heng zingah hian Bhagavad Gita an publish pawh 16.21 crore lai a ni. Kum 2023 hi a kum 100-na chiah a ni bawk a.
“He institution hian publication a tihnaah leh revenue a hmuh nan advertisement-ah a innghat ve ngai lo. Gita Press te leh an hnuaia pawl te hi chuan mi tinte thatna leh hamthatna atan an thawk a ni,” tiin Ministry thuchhuah chuan a tarlang.
Gita press official website chuan institution-in an tum ber chu ‘Mipui nawlpui hnena Hindu sakhua principle do Sanatana Dharma tihlar leh thehdarh nana Gita, Ramayana, Upanishads, Puranas, Discourse of eminnent Saints leh lehkhabu leh magazine pawimawh dangte man tlawm zawka hralh tura siam a ni’ tih a ni.
-- Advertisement --
Congress ten sawisel
Congress te chuan Gita Press hnena Gandhi Peace Prize pek chu nasa takin an sawisel nghal thung a.
“Gandhi Peace Prize for 2021 chu Gita Press, Gorakhpur te kumina an kum 100-na lawm turte hnenah pek a ni a. He pawl chanchin ziaktu Akshaya Mukul chuan kum 2015 a biography a ziahah Gita Press te chu Mahatma Gandhi nena inlaichinna nei tha lo tiin Gandhi political, religious leh social agenda te an kalh a ni. He thutlukna siam hi a dik lo va, Savarkar leh Godse te nena award pek nena thuhmun reng a ni” tiin Congress hruaitu Jairam Ramesh chuan a sawi.
Bharatiya Janata Party te chuan Ramesh thusawi hi chhang let nghal thungin Congress chu “Hindu hawtu party” an ti nghal a. Hei mai bakah hian Shiv Sena (UBT) chief Uddhav Thackeray chu grand old party tena Hindus, Hindutva leh Thackeray ah pathian a tih mai Savarkar te pawh an beih laia thawhhopui tlat tiin an sawisel bawk a.
“Congress te hian Hindu hrim hrim huatna an nei a ni. Hindu terror atangin Man Mandir atanga Bhagwa terror atanga 26/11 ah pawh Hindus te puhin tunah Gita Press an bei leh a ni” an ti a. Congress chu Hindu hua party niin Ram Mandir sak duh miah lo an ni bawk, tiin an sawi bawk.
“Congress ten Gita Press an huat chhan chu Sanatan & Hinduism real message an pekchhuah vang a ni,” tiin BJP hruaitu Poonawalla chuan a sawi bawk a. “Congress te hian Muslim league chu secular-ah leh Gita Press chu communal-ah an ngai a ni,” tiin a sawi bawk.
Assam Chief Minister Himanata Biswa Sarma chuan grand old party chu na taka beiletin, “Karnataka-ah an chak hnuah Congress te hian India civilisational values leh legacy hausa tak lakah indona an puang a, tunah pawh anti-conversion law sut leh Geeta Press an bei leh a ni” a ti a, “India mipuite chuan he huangtauna hi hnawlin kan civilisation values te tundin zel an duh dawn,” tiin a sawi bawk.