Gandhi Vadra-in welfare scheme tiam

Congress national general secretary Priyanka Gandhi Vadra chuan inthlang mai tur Madhya Pradesh-a campaign a neihah class 1 atanga 12 zirlaite chu an sorkar a nih chuan monthly scholarship Rs 500 atanga Rs 1,500 an pek tur thu a sawi.
Vadra chuan ‘Padho-Padhao Yojana’ tlangzarhna a neihah class 1 atanga 8 zirlai te hnenah thla tin Rs 500 pek an ni ang a, class 9 atanga 10 te chuan thla tin Rs 1,000 an dawng thung ang a ti a. Sorkar chuan class 11 leh 12 zirlaite hnenah Rs 1,500 a pe thung ang, a ti bawk a.
Congress-te chuan Madhya Pradesh state tan welfare scheme hrang hrang tiamin chung zingah chuan Old Pension Scheme kalpui te, hmeichhiate tan ‘Nari Samman Yojana’ hnuaiah thla tin Rs 1,500 pek te bakah chenn in tin te tan free electricity 100 unit pek te leh LPG cylinder Rs 500 a pek te pawh a tel a ni.
Vadra chuan Congress te chuan ram pumah caste census neih ngei an phut thu sawiin an party chuan society thendarh an duh ve lo tiin a sawi bawk.
“State-ah OBC reservation 27% a ni ang a, Madhya Pradesh-ah caste census kan nei ang a, tichuan mipui ten justice an nei thei ang,” tiin Vadra chuan a sawi bawk a. Tribal population 50% chin chunglamah chuan Sixth Schedule of the Constitution kalpui a ni ang, a ti bawk.
Sixth Schedule of the Constitution hi tun dinhmunah Assam, Meghalaya, Tripura leh Mizoramah te tribal population te hnenah an rights humhim nan pekin an awm mek a ni.
Gandhi Vadra chuan tribal population te nena emotional connection siam tumin a pi leh prime minister hlui Indira Gandhi chu changchawiah a nei a.
“Ka pi kha Indira Mata tiin inko thin a, a chhan chu in tana a thawh vang a ni. Tribal culture chu khawvela a tha ber a ti thin a, a chhan chu hmangaihna nei tur leh nature humhim tura inzirtir thin vang a ni,” tiin a sawi bawk