Excise & Narcotics Department chuan June 12 khan hmun hran ve ve ah ganja leh heroin an man.
Thawhtanni chawhnu dar 3.00 khan Khatla South (Tlawng Road) Aizawlah ganja kg. 21 & gram 900 (fun 16) leh a neitu nia puh mi pathum – JH Lalngaihawma (32) Maubawk, Joseph Lalnunthara (23) Maubawk leh Roluahpuii (26) Khatla South-a khawsa nia inchhalte chu an man. Ganja phurhkualna atana hman scooter MZ01 W 9493 pawh hrensak an ni. Ganja mante hi Tripura atanga lokal nia hriat a ni.
Thawhtanni zan dar 10.40 khan Ruantlang Champhaiah heroin gram 80.700 (hawng 6) leh a neitu nia puh Zaisiamthanga (27) Champhai Vengthlang (Rahsi Veng) a khawsa nia inchhal an man bawk a. Ganja leh heroin vanga mante hi ND&PS Act tlawhchhanin thubuai siamsak an ni.
Ganja leh heroin man
Get real time updates directly on you device, subscribe now.
Prev Post
Next Post