GAWC-in zirlai lut tharte lawm

On Jul 18, 2025 10 0

GAWC-in zirlai lut tharte lawm
Govt. Aizawl West College (GAWC) chuan Ningani khan an zirlai tharte lawmna, Freshers’ Social an hmang a. Minister Prof Lalnilawma’n hmanpuiin an annual magazine ‘Thlado’ a tlangzarh nghal.
Minister bakah hian GAWC principal Prof C Lalthlengliana’n zirlaite fuihna thu an sawi a ni. Program hi GAWC Students’ Union buatsaih niin, Mizoram University hnuaia undergraduate examination 2025-a rank holder-te chawimawi an ni bawk.
Department of Economics-a 2-na Lalrozama Khawlhring hnenah ‘H Vanlalkeuva Award’ hlan a ni a. Department of Economics-a 5-na Ramengmawii, Department of Education-a 4-na Precillis C. Remsangpuii, Department of
Public Administration-a 8-na Lallawmawma, Department of Political Science-a 8-na Jennet Vanlalthlani, Department of Psychology-a 10-na Lalringngheti Sonset te chawimawi an ni.