Ginger tea
Ginger tea
Ginger (sawhthing) tea thatna an tarlan hrang hrang ni a Times of India health section-in a tarlan te kan rawn chhuah chhawng e. Ginger tea-ah hian Vitamin C, Magnesium leh minerals dang a tam hle a, chuvang chuan taksa hrisel nan a tha hle a ni. Ginger tea tih hian sawhthing chansawm a, thingpui lum anga tui so a thlak a, rei deuh tak chhum so ve mai tur a ni. Chini aia khawizu pawlh la, sertui pawh tlem a palwh theih. Tichuan a tui chu thingpui in anga in ve mai tur a ni.
Motor rui thin i nih chuan chhuah hmain ginger tea in la, chu chuan motor ruih a veng thei a, luakchhuak leh luhai te pawh a veng thei. Luakchhuak tideuh nghulh i neih veleh ginger tea in la, luakchhuak a tireh thei.
Digestion atan a tha hle a, chuvangin chawei kham thingpui hâng aiah ginger tea in la a fuh zawk ang. Kawpuar te pawh a veng thei a, pum nuam lo ti deuh teuh teuh te pawh a tiziaawm thei.
Sawhthing hian anti-inflammatory properties a nei a, chuvangin vûng tan a tha hle. Tihrawl leh ruh na tih el enkawl nan pawh a tha hle a ni. Ruh na leh tihrawl na avanga vûng tana ginger tea in mai bakah a na lai deh nan pawh a hman theih a ni.
Thawkna lama harsatna nei tan pawh a tha hle. Hritlang satliah enkawl nan pawh a tha hle. Sik leh sa inthlak avanga allergy tan pawh ginger tea hi a tha hle a ni.
Thisen luang a tichak thei. Ginger tea vitamin, minerals leh amino acids awm te chuan thisen luang vel a tichak a, chu chu lung tan a tha hle a, lung lam natna chi hrang hrang laka risk tihniam thei a ni. Hei bakah hian sawhthing kan ei hian kan thisenzam a thau inchhekkhawl tur a veng thei a, chu chuan heart attck (lungphuchawl) leh stroke (thluaka thisenzam chat/block) risk a tihniam thei.
Hmeichhia thlatin hunbi neih laia na tithin te tan ginger tea a tha khawp mai. Sawhthing chhumsona tuiah towel chiah la, chu chuan i dul hnuailam, tâi bawr vel chu dep rawh. Hei hian a na a chhawk thei a, tihrawl te a tihahdam thei. Chutihrualin ginger tea (khawizu pawlh) i in tel dawn nia.
Sawhthingah hian antioxidant a tam hle a, chuvangin ginger tea chu kan taksain natna a dolet theihna tichaktu tha tak a ni.
Ginger tea chuan min tihhahdam theihna a nei a, hei vang hian stress tan a tha hle. Sawhthing-ah hian healing properties a awm a, chumi a rim tangkawp chuan kan rilru leh taksa hahna te eng emaw chen mi a chhawk ve thei a ni.