Juventus chuan Pa-thianni Serie A match-ah khelmual pawn lama an harsatna tawh boruak tidai turin hnehna an chang zo lo a,an mikhual Atalanta nen 3-3-in an inhnehtawk.
Massimiliano Allegri team hi karliamta Zir-tawpni khan Italian foot-ball court chuan transfer chungchanga dan an bawhchhiat avangin league kal laiah point 15 tehreng an paihsak a; an boss hian khelmual pawn lama an buaina chu player-te’n khelmual chhungah an siamtha tur a ni tih thu a sawi hnu lawkah point hnih an hloh then a; hremna avanga table laihawla tlathla vawn vawn Juventus hian Turin khawpuia an point khat hmuh nen season kal laiah point 23 neiin pakua-na an luah a; point 35 kawltu Atalanta chu pa-nganaah an awm thung.
-- Advertisement --
Allegri chuan hnehna an chan zawh loh hnuin DAZN-in an kawmnaah rim taka hna an thawh chhunzawm tur thu leh point hnih hloh then mah se a naute inpeknaah lawmthu sawiin, table-a pathumna atanga 10-na daiah paihthlak an ni khan rilru lamah a player-te anghawng na deuh tih a tarlang tel.
Ineln hrang hranga an game hnuhnung pahnih lekah goal 13 tehreng thun tling Atalanta-in Pathianni zanah pawh khawng tak bawkin bul an ta leh a, goal thum an tihluh bakah Juventus defence an chhaihbuai deuh reng.
Mikhual team Atalan-ta hian goal pawh an thun hmasa leh chiah a, tan atanga minute ngana lekah forward Ademola Lookman chuan box kilsir atangin chep tak karah Juventus goalkeeper Wojciech Szczesny dan zawh loh goal hmahruai a khung a; mualneitu team-in minute 25-ah penalty hlawhchhuakin, Nicolo Fagioli laka Eder-son chetsual hrinchhuah penalty atangin Angel Di Maria chuan Juventus siphurh sutna goal a thun.
Minute 10 a liam leh a, Arkadiusz Milik chuan Fagioli ball vawrhchhuah fuh tak atangin mualneitu team hmahruailetna goal a khung chhunzawm.
Atalanta hian second half-ah goal hnih tilut zawn ve leh thungin, Joakim Maehle chuan second half tan atanga second 35-na lekah mikhual siphurh sutin, minute 53-ah goal hma-hruai thuntu Lookman bawkin Atalanta hma-hruaina goal a thawh leh.
Chak mamawh Juve tan minute 65-ah Danilo chuan free-kick atangin an siphurh sut bawk mah se goal dang an khung belh zo lo a, an kawtkaiah point khat bak an thawkchhuak zo lo.
Inkhelh banah Ata-lanta coach Gian Piero Gasperini chuan tlar-hnung veng tur ri-ngawta Turin khelmual luh a rem loh thu leh chutiang game khelhin penalty emaw free kick chawi emaw a hrin-chhuah thin thu a sawi a, Juve game-ah chuan goal thun ngei a tul thu leh chuti a nih loh chuan tlawm mai a chawh thin thu a tarlang tel.