Goo Goo Dolls ‘Iris’-in diamond certification dawng

Goo Goo Dolls ‘Iris’-in diamond certification dawng
Goo Goo Dolls hla hit ‘Iris’ chuan an tlangzarh atanga kum 26 hnuah Recording Industry Association of America (RIAA) Diamond Certification a dawng, RIAA diamond certification dawng thei hla emaw album emaw te chu US-a maktaduai 10 hralh tlin theih chhinchhiahna a ni. Goo Goo Dolls ‘Iris’ hian Spotify-ah stream tluklehdingawn hnih a kai tawh bawk.
‘Iris’ hi 1998 film ‘City of Angels’ soundtrack atana an phuah a ni a, a hnuah Goo Goo Dolls album parukna ‘Dizzy Up the Girl’-ah an telh leh a, single anga an tihchhuah hnuah Billboard ot 100 Airplay chart-ah kar 18 chhung a No.1 thei a, vawiin thlengin he hla hi an la cover fo a, Taylor Swift, Demi Lovato, Phoebe Bridgers leh Maggie Rogers te pawhin an cover tawh a ni.
Goo Goo Dolls hian 2025 nipui laia tour neih an tum thu hmanni lawk khan an puang a, tour hmingah Dashboard Confessional an ti a, July ni 13, 2025-ah an tour kick-off hi Phoenix, Arizona-ah an nei ang a, September ni 12-ah kharin, US state hrang hranga show an nei dawn a ni.