Govt GM HSS-a zirtirtu
indaih loh vangin hma la
Govt. Gandhi Memorial Higher Secondary School Champhaia zirtirtu indaihloh avangin MZP chuan Thawhlehni khan lungawiloh an lantir a, an thil ngen tihhlawhtlin a nih loh chuan vawiin – May 10 hian Champhaia sawrkar office leh zirna in zawng zawng khar tir tumin an chhunzawm dawn.
MZP Hqrs. Champhai chuan Govt. GM HSS zirtirtu indaihlohna hi kum 2019 atangin an buaipui tawh a. Tun thlengin thu lawmawm hriat tur a awm loh avangin sit-in demonstration hi an nei ta tih an sawi. Sawrkarin an thil ngiat a tihhlawhtlin loh avang leh sawrkar atanga an lungawina tawk chhanna an hmuh loh avangin vawiin – May 10 hian sawrkar laka an lungawilohna lantir chhunzawmna turin Champhaia sawrkar office leh zirna in zawng zawng khar vek tura hma lak nise an ti. Hei hian bank leh Hospital OPD a huam lo thung ang.
‘Govt. GM HSS hi Champhaiin sawrkar enkawl higher secondary school kan neihchhun a ni a, Champhai leh a chhehvel amite pan ber a ni a, zirtirtu an indaihloh vang hian zirlai harsa tak tak ten sum tam tak sengin hmundangah zirna chhunzawm a ngai thin a. English, Mizo, Accountancy leh Biology te hi zirtirtu indaihlohna zualpui a ni,’ MZP chuan a ti.
Govt GM HSS-a zirtirtu indaih loh vangin hma la
Get real time updates directly on you device, subscribe now.