PHEK HMA LEN LOH TAK LEH A HNUNG TURA PAWI LO BER
-- Advertisement --
June atangin SEDP Phase-II sem tum
Aizawl district-ah chuan June 1 atangin family oriented SEDP thawh hnihna instalment hmasa zawk chu pekchhuah tan tum a ni.
Aizawl District Level SEDP Committee chu an chairman, bawrhsap Dr Lalhriatzuali Ralte hoin Thawhlehni khan an thukhawm a, SEDP second phase kalpui dan tur an sawi ho. Chairman chuan SEDP Phase II hlawhtling taka kalpui a nih theihna’n uluk taka ngaihtuahna seng turin member-te a chah a. SEDP line department hrang hrangte chu beneficiary-te theihtawp chhuahpui tur leh a vil zui kawngah thahnem ngai turin a chah. Aizawl District SEDP Committtee chu district zinga titha ber nih tum tur leh entawntlaka hma la zel turin a fuih a ni.
Aizawl district-a family oriented SEDP thlan tur zat chu 16800 a ni a, hemi atan hian Rs. 84,00, 00,000 ruaman niin, sumfai hi installment hniha pekchhuah tum a ni. Second phase first installment hi June 1– 30 chhunga beneficiary-te account-a lut tura beisei a ni a. Second installment hi August 30 hmaa lut tura beisei a ni. Village Level SEDP Committee-ten District Level Committee-a list an thehluh hun tur chu May 12 a ni.
SEDP Phase-I pawh an thlirlet a, department hrang hrangten SEDP sem chhuah tawh a, mahni line department beneficiary-te an vilzui dan report a ni a; tha taka line department-ten an hnuaia beneficiary-te an vil zui avangin lawmawm an ti thu an sawi. Beneficiary tithate tan lawmman siam tum a ni tih sawi a ni bawk.