WTA standing-a 40-na luahtu Ukrainian Marta Kostyuk chuan Pathianni khan ATX Open-ah a WTA title hmasa ber hlawh-chhuakin, final-a a khingpui Russian Var-vara Gracheva chu hnehna a chan hnuah a chibai duh lo.
Kum 20 mi Kostyuk hian kum 22-a upa Gracheva lakah 6-3 7-5 hnehna changin, Austin, Texas-a title a sualchhuah hnu hian an ram run mektu Russia player chu chibai turin a kut a pharchhuak duh lo a, a hnehna chan chu nikum atanga an ram runtu doleta thapui chhuah kal mek leh nunna tam tak chan tawh Ukraine mipui tan hlanin, a elpui Russian a chibai duh loh chung-changah a dinhmun atang chuan a tihawm tak a ti niin a sawi a, a tan title lak chu a ‘special’ ngawih ngawih tih a tarlang tel.
Kostyuk hian Ru-ssia-in an ram a run chungchang lo sawi-chhuak tawh thinin, US Open khelh lai pawh khan Belarusian Victo-ria Azarenka a chibai duh tawh lo bawk.
Kan hriat thin angin, Belarus hi Ukraine runtu Russia thurualpui langsar ber a ni.
Gracheva chibai duhlotu Marta
Get real time updates directly on you device, subscribe now.
Prev Post
Next Post