Gracie Abrams-i’n Hal David Starlight Award dawng dawn

Gracie Abrams-i’n Hal David Starlight Award dawng dawn
Gracie Abrams chu 54th Annual Songwriters Hall of Fame Induction and Awards Dinner, June ni 12-a neih turah Hal David Starlight Award dawng tura thlan a ni. He award hi 2004 aTanga an pek Tan niin, ‘hlaphuah thiam kum lama la naupang zawk te, rimawi khawvela an hlaphuah hmanga a Tha zawnga nghawng nei tham’ te hnenah hlan Thin a ni.
Gracie Abrams, kum 25, hian tun kum hnih chhung chu Grammy nomination a nei zawn tawh a, nikum khan best new artist-ah nominate niin, kuminah best pop duo/group performance-ah ‘Us’ featuring Taylor Swift avangin nominate a ni leh bawk. Taylor Swift pawh hian 2010 khan Hal David Starlight Award hi a lo dawng tawh nghe nghe a ni.
Abrams album pahnihna ‘The Secret of Us’ hi Billboard 200 (albums chart)-ah No.2 a kai thei a, Billboard Hot 100-ah top 20 kai thei hla ‘I Love You, I’m Sorry’ a nei thei a, a deluxe edition a tihchhuahah a dah belh ‘That’s So True’ chu Hot 100 Top 10-ah a lang thei bawk.
Kumin hian Johnny Mercer Award dawng tur an la puang lo a, he award hi SHOF-a award ngaihhlut ber niin, nikum khan Diane Warren-i’n a dawng a, Hal David Starlight Award hi SZA-i’n a dawng ve thung.
2025 SHOF inductee an lo puan tawh te chu George Clinton, Ashley Gorley, Rodney “Darkchild” Jerkins, Mike Love, Tony Macaulay leh The Doobie Brothers member pathum (Tom Johnston, Michael McDonald leh Patrick Simmons) te an ni.
Hal David Starlight Award dawng tawh te chu:
2004: Rob Thomas (Matchbox Twenty)
2005: Alicia Keys
2006: John Mayer
2007: John Legend
2008: John Rzeznik (Goo Goo Dolls)
2009: Jason Mraz
2010: Taylor Swift
2011: Drake
2012: Ne-Yo
2013: Benny Blanco
2014: Dan Reynolds (Imagine Dragons)
2015: Nate Ruess (Fun.)
2016: Nick Jonas (Jonas Brothers)
2017: Ed Sheeran
2018: Sara Bareilles
2019: Halsey
2022: Lil Nas X
2023: Post Malone
2024: SZA