Balance board a ding chunga bowling ball juggling-in record siam

Balance board a ding chunga bowling ball juggling-in record siam
Idaho pa tih tawh chuan rilruah David Rush a rawn lang nghal zat zel ta, Guinness World Records tilte Tum khata kawl hnem ber record siamtu a ni a, a record siam a la chawlhsan chuang lo, a khat tawkin record thar a rawn siam zel e.
David Rush hian record thar a rawn siam leh ta a, minute khat chhunga balance board a ding chunga, bowling ball leh ball dang tê deuh zawk pahnih juggling hnem ber record a siam.
Juggling chu kan rawn sawi tawh Thin a, kut pakhatin ball an vawr a, a lehlamin an lo dawng zel a, hetiang hian ball pathum an vawr kual char char a, ball pakhat chu engtik lai pawhin boruakah a awm reng tur a ni a, ball ngai a zawnin a vawr nawn theih loh bawk.
David Rush-a juggling hi a harsa lehzual a, a chhan pawh balance board-a a ding chunga a tih vang a ni a, balance board a din ringawt pawh hi thil harsa ve tak tur a ni tawh sa a, ke lam ven tel ngai bawk, juggling ngai bawk si chu ngaihtuahna hman thiam a ngai khawp mai.
David Rush hian record hi Guinness World Records headquarter, London-ah a siam a, minute khat chhungin a juggling ball vawrh hi vawi 243 a dawng hman a ni.