Gujarat khawpui Surat a local court chuan March 23, 2023 khan Congress leader Rahul Gandhi an ‘Modi surname’ chungchanga a thusawia defamation case file ah thiamloh a chantir a. Court sang zawka appeal thei turin bail erawh pek zui nghal a ni thung.
Surat a session court chuan Rahul Gandhi an court sang zawka a ppeal theih nan ni 30 chhung hun pe in hei bakah hian Rs 1000 bond in bail tir zui nghal a ni a. Court in thuremna a siam lai hian Gandhi chu a inlan a ni.
Criminal defamation case hi Surat BJP MLA Purnesh Modi file niin a hma in Surat city BJP president a ni a.
Complaint a siamah Purnesh chuan kum 2019 a Karnataka a poll rally neihnaah Rahul Gandhi chuan Modi community te hnualsuatin ‘Eng tiangin nge rukru tin te hian Modi tih hming an put vek le’ a ti a ni a ti a.
Chief Judicial Magistrate H.H. Varma chuan kum li lai a ngaihtuah hnuah March 23 khan final hearing a neih hnuah thutlukna a siam zui ta a ni.
Surat court ah hian Rahul Gandhi inlan hnuhnun ber chu October 2021 khan niin khatah khan a thiam thu a sawi a, a thubuai hi Indian Penal Code (IPC) section 499 leh 500 (defamation) kaihhnawih hmanga ziahluh a ni.
Gujarat Court in Rahul Gandhi thiamloh chantir
Get real time updates directly on you device, subscribe now.
Next Post