Pathianni Halle Open final match-ah 6-3 3-6 6-3-a Russian player Andrey Rublev hnehin Kazakhstan player Alexander Bublik chuan a career-a a vawi-khatna atan grass title a hlawhchhuak ve ta nge nge a ni.
Halle Open hi Wimbledon inbuatsaihna grass-court tournament niin, Germany ram khawpui pakhat Halle an tiha tennis khelhna khelmual OWL Arena-ah an khel a; kum 26 mi Bublik hian final-a third seed Rublev a hneh hnuah tun kha a career-a tour title pahnih a hawnna niin, world number 48 hi nikum khan Montpellier-ah a lo champion ve tawh bawk a ni.
Kum thum chhunga a vawi-hnihna atan kum 26 mi Rublev khan Halle final a khel a, season kal laia Monte-Carlo title a lak tawh belhchhah turin a chak zo lo.
Kazakh Bublik kha grass chungah a mikhual hran lo a, Newport lamah pawh tum hnih lai final khel tawhin, a vawikhatna atan Germany ramah grass title a hlawhchhuak ve ta nge nge a ni.
Halle-a grass title hlawhchhuak Bublik
Get real time updates directly on you device, subscribe now.
Prev Post
Next Post