Halpuah – halmawi khap thu sawinawn

Halpuah – halmawi
khap thu sawinawn
Hunpui laiin halpuah leh halmawi lam chi bakah sky lantern khap a nih thu Mizorama district magistrate hrang hrangten thupek an chhuah nawn.
Aizawl district magistrate pawhin mipui hriattirna tichhuakin, Krismas leh kumthar vuakvetah halpuah, halmawi, sky lantern leh silai lem a mu kapchhuak thei chi zawrh, hal leh kawl khap a nih thu hi chhuahin, BNSS 2023 Section 163 (1) in thuneihna a pek angin leh Aizawl district mipuiin Krismas leh kumthar him taka kan hman theuh theihnan khuahkhirhna thupek hi chhuah a ni tih a sawi.
Khuahkhirhna thupek hi chhuah a nih atanga thla hnih chhung a huam dawn a. Bawhchhia an awm a nih chuan BNS 2023 Section 223 hmanga hrem an ni dawn tih a sawi a ni.