Hamas ten mitang 34 chhuah zalen inhuam thu sawi

Senior Hamas official chuan Israel nena inkahhaina an neih theih chuan a thawhkhatnaah mitang 34 chhuah tura an ruahman te hming a tarlang a. Mitang engzah nge la dam tih erawh hriatchian theih a ni lo.
Palestinian group tena hming an tarchhuah zingah 10 chu hmeichhia niin kum upa lam mipa kum 50 leh 85 inkar 11 an tel bawk a, heng bakah hian naupang pakhat Hamas tena a hma a Israeli air strike avanga thi tia an lo sawi tawh a tel bawk.
Hamas te chuan mitang chhuah zalen tura an chhawpchhuah thenkhatte chu an damlo mek tiin an sawi bawk.
Hetihlai hian Hamas enkawl Gaza ah karkalta tawp lam a Israeli airstrike avangin mi 100 chuangin nunna an chan tih a ni bawk.
Hetihlai hian israeli prime minister office thung chuan Hamas ten mitang list Israel hnenah an pe tia sawi report chu an hnawl thung a.
Karkalta tawp lam atang khan Doha, Qatar ah inkahhai a awm theih nana inbiakna tan leh a ni chungin hmasawnna a awm thei vak lo tih a ni bawk.
Hamas official te chuan Reuters news agency hnenah israeli mitang an hren te chhuah zalen an nih leh nihloh chu Israel in Gaza a chhuahsan leh indona tihtawp nana permannet ceasefire a awm leh awmlohin a hril dawn tiin a sawi a.
“Mahse, tun thleng chuan Israel in Gaza a la awm reng a, inkahhai leh inhnuhdwh lam a awm theih nan hmalakna a nei lo” tiin Hamas official chuan a sawi a ni.
A hma lawkin Hamas te chuan Israeli itang kum 19 a upa Lori Albag video tichhuakin israel sorkar chu inremna siam turin an ngen tir a ni.
Liri Albag hi 7 October 2023 a Hamas tena Israel chhimlam an run lai khan Nahak Oz army base Gaza border a an awm laiin hmeichhe sipai dang paruk te nena man zinga tel a ni.
Kha mi ni khan Hamas te chuan southern Israel an beihnaah mi 1,200 chuang tihlumin mitang 250 an hreng bawk a ni.
Israel in Hamas te nuaichimih tuma military campaign a neih zuinaah Gaza ah mi 45,805 chuangin nunna an chanphah tawh tiin Hamas-run health ministry chuan a tarlang a.
Pathianni khan Israel strike avangin Gaza ah mi 88 in nunna an chan tiin Hamas te chuan an sawi bawk a, hmun danga Israel in a beihnaah mi 17 in nunna an chanbelh a ti bawk.
Israel erawhin Pathianni khana n air force te chuan Gaza Strip a ‘terrorist’ hmun 100 chuang beiin Hamas militant thahnem tak tihhlum an ni a ti ve thung.