Roland Garros-a title tum 14 la tawh defending champion Rafael Nadal awm loh hnua French Open men’s tournament lama rinkai lian zinga tel pha leh 2021 runner-up ni bawk Stefanos Tsitsipas chuan 7-5, 6-3, 4-6, 7-6(7)-a Czech Jiri Vesely hnehin French Open 2nd round a lut ve bawk.
Fifth seed Tsitsipas khan awlsam takin hnehna a chang zo bik miah lo a, khati taka world number 445-na daih luahtuin Czech-in Greek a chhaihbuai thei kha mi mak tih a ni.
Vesely tan tun kha nikum U.S. Open hnu lama tour-level tourna-ment a khelh vawikhatna chauh a la ni leh nghal a, kum 29 mi Tsitsipas tan harsatna a siam nasa hle.
Mipa singles inkhel dangah Nadal-a ngaisang em emtu Sebastian Korda pawhin second round lutin, kumin January thla hnu lama a chak leh vawikhatna a sualchhuak.
American Korda hian a first round match-ah Mackenzie McDonald chu 6-4, 7-5, 6-4-in a hneh a; banrek na avanga kum 2023 bul tan fuh thei lo Korda hian 1998 Australian Open trophy latu a pa Petr Korda hnung zui a tum laiin kumin Melbourne Park quarter-final match-ah khan a banrek a tina a, a khel zo thei ta lo a ni.
Tun April thla khan khelmualah kirleh mah se kum 22 mi hi Madrid leh Rome-a a bultan-naah a tlawm ve ve a, Pathianni khan hnehnain Paris-ah bul a tan ve leh thei ta a ni.
Harsa takin Tsitsipas chak hram
Get real time updates directly on you device, subscribe now.
Prev Post
Next Post