Saudi league-ah Ronaldo champion zo lo

Cristiano Ronaldo team Al-Nassr hma-khalhin Al-Ittihad chu Saudi league champion thar an ni a, tun hi kum 2009 hnu lama Saudi Pro League title an lak vawikhatna chiah a ni nghe nghe.
Al-Ittihad hian sithum faia mualneitu Al-Feiha hnehin Inrinni khan khelh khat la nei chungin title an la fel a; kha match-a an point thum hlawhchhuah leh nen league kal laiah point 69 neiin, Inrinni inkhel danga Al-Ettifaq nen 1-1-a inhnehtawk Ronaldo team Al-Nassr chu league table-ah pahnihna luahtu niin, game khat chiah awm tawhah hmahruaitu Al-Ittihad nen hian point ngain an inthlau ta a, Al-Nassr tan champion-na kawng a ping zui ta a ni.
Al-Feiha muala Al-Ittihad goal hmahruai hi minute thumna leka A-hmed Sharahili thun niin, Brazilian star Romarinho chuan goal hnih a thawh ve bawk a, season liamta final day-a title chang zo ta lo Jeddah khaw club tan kumin chu kum tha a ni ta.
Tun kha Al-Ittihad tan league title vawikua an lak tlinna chiah a ni.
Arab rama Totten-ham Hotspur leh Wolves coach hlui Nuno Espirito Santo chuan a top flight league title hmasaber a hlawhchhuak a; Ronaldo thung chuan Saudi Ara-bia-a a season khatnaah Al-Nassr a champion-pui zo lo a, kumin January thlaa Je-ddah club a zawm hnuah tun hi a career-a kutbenga sea-son a hmanliam vawi-khatna a ni.