BJP National President leh Union Health Minister JP Nadda chuan Haryana a hattrick siam tura BJP a tling leh chu lawmawm a tih thu sawiin, an party hruaitu, prime minister Modi thawhrah leh a rintlak vang liau liau a nih thu a sawi.
Rintlak leh zuitlak ni lo se heti chen hi BJP in sorkar-na an siam lovang, Nadda chuan a ti a. Haryana-ah a zawna a vawithum nan BJP an sorkar leh tur chu lawmawm a tih tak zet thu sawiin, J&K ah pawh sorkar zo chiah lo mah ila, pahnihna kan ni thei zel a, kan hneh lohna chu tlemte chauh a ni, tiin. Modi chuan leadership a neih that em avanga BJP chu kang chho zel a nih thu a sawi bawk.
Congress chuan an thusawi an umpha lo thin em a, eirukna leh intihbingna an kalpuina nasa tiin, an chak loh chhanah Nadda chuan a puhsak a. Tin, AAP pawh eiruk leh buaina ril tak an neih avanga kang thei lo an ni, tiin. Eptu party te chu BJP an hneh loh chhan niin a sawisak hlawm. ‘Modi nen chuan theih loh a awm lo’ tiin Haryana a an party tlin chu a lawmpui thu a sawi nasa hle.
Nadda chuan Maharashtra, Jharkhand leh Delhi ah pawh nghet leh chak zawka che tura ruahmanna an kalpui nghal mek thu a sawi bawk a, an party hmabak chu a eng zual zel dawn thu a sawi bawk.
Haryana a BJP hlawhtlin chhan PM Modi rintlak vang
Get real time updates directly on you device, subscribe now.