HATIM zirlai titha chawimawi

Mizoram Baptist Kohhran enkawl Higher and Technical Institute Mizoram (HATIM) chuan Thawhtanni khan Mizoram University Under Graduate Examination 2024-a top 10-a langte an chawimawi.
Lungleia HATIM hmuna chawimawina hun hi BCM asst general secretary (Service) Rev R Lalnunzira chuan a hmanpui a. BCM atanga lawmpuina bakah college-in zirlai tithate hnenah lawmpuina thuziak leh sumfai lawmman a buatsaih chu sem a ni.
Kumina zirlai tithate hi, BCM Education department chuan University topper H Lalmuanzuali d/o Rev H Lalfakzuala, Bachelor of Arts (Department of Philosophy) a a pumpuia pakhatna hnenah laptop a hlan a. Top 10-a lang midang 17 hnenah Rs. 5000 theuh hlan a ni. Education department atanga lawmpuina thilpek an dawn bakah hian HATIM atangin university-a pakhatna atanga panga-na, top 5-a lang mi 10 hnenah lawmpuina thuziak leh Rs. 3000 hlanin, top 10-a lang mi 8 hnenah thuziak leh Rs. 2000 hlan a ni.