Headmaster duhlohna lantir

Kolasib district Thingthelh khuaa Govt. Primary School-a headmaster atana sawrkarin a dah thar chu zirlai nu leh paten an duh loa, a hna zawm lo turin an dang.
Thudawn danin, Govt. Primary School Tualbung atanga Govt. Primary School Thingthelha headmaster tura sawn, L Biakchungnunga, Bukpui khua chu August 1 kha joining report a pek hun a ni a, he school-a zirlai nu le paten an fate enkawl tura an duh loh avangin a hna zawm tur hi an lo dang.
Amah hi Govt. Primary School Thingthelhah hian kum 15 a lo thawk tawh a; chhan hrang hrang avangin 2022 June 27 khan Thingthelh VC chuan District Education Officer Kolasib-ah ziakin complaint an thehlut a, hemi kum July 27 khan Tualbungah sawn a ni.
Kum hnih liam hnua an khuaa a lo kir leh chu duh loin, zirlai nu leh pate hian thuziak kengin joining report pe lo tura an ngen bakah hmaichhanah an ngen a. A zawm lui a nih chuan school atang hian an fate lakchhuak an tum tih an hrilh.
Govt P/S Thingthelhah hian zirlai 40 an awm mek a, regular teacher 1 leh MR teacher 2 an awm. Tunhnaia casual teacher lak thar 1 an dah chu, heng ho awmna hmun siamthat lehnaah hmun dangah an post nia sawi a ni.