Mizoram Health Service Rules siamthat tumin sawrkarin hma a la mek tih deputy chief minister Tawnluia chuan a sawi.
Mizoram Government Doctors’ Association (MGDA) chuan Zirtawpni khan Aizawlah annual general conference vawi 37-na an hmang a. He hun hmanpuitu deputy chief minister chuan Health Service Rules restructure kawnga hma an lo lak tawh thinna sawiin, harsatna awm chingfel turin DP&AR-in hma a lak mek thu leh cabinet meeting-a put luh thuai a nih a beisei thu a sawi.
Smart City Project hnuaiah damdawi in thli leh bawlhhlawh – bio medical waste mumal zawka senghawi kawngah sawrkarin theihtawp a chhuah tih deputy chief minister hian a sawi a. Hemi atan hian Aizawl Solid Waste Management Center Tuirialah bul tan chhoh a nih thu a sawi. MGDA member-te chu an ngaihtuahna senpui a, sawrkar hmalakna puibawm turin a ngen a ni. Mipuiin tangkai zawka Mizoram Health Care Scheme an hman a duhsak thu sawiin, a thei apiang he scheme-a inziaklut turin a sawm.
MGDA conference-ah hian kum 2019- 2023 chhunga an member pension-a chhuak mi 24-te thlahna leh member boral mi 7-te sunna hun hman a ni.
Health Service Rules siamtha turin hma la mek – Deputy CM
Get real time updates directly on you device, subscribe now.
Next Post