Heart attack nei engtin nge i buaipui ang

Heart attack nei engtin nge i buaipui ang
Tunlai kum lama naupang zawk zingah pawh heart attack nei sawi tur kan awm ta fo mai. Heart attack patient te hian frist-aid an dawn vat loh chuan chhiat hlenna a thlen theih bakah thihna pawh thlen thei a ni.
Heart attack hi khawvela thihna chhan tam ber pawl a ni a, heng thihna te hi dam lo ten damdawi in an thlen hmaa first-aid mumal emaw damdawi lama enkawlna mumal an dawn loh vang a ni thin. Chuvangin, miin heart attack a nei niawma a lana, chet dan tur hriat hi a pawimawh hle a ni.
Times Of India health section-in a tarlan danin heart attack-ah chuan second khat pawh a hlu hle tih hriat reng tur a, muang chan chi a ni lo. Damlo chu kalsan lo la, chutihrualin in lamah enkawl tum suh. A ka atanga ei tur engmah pe suh. Tlemin a rawn ziaawm deuh a nih pawhin eitur pek tur a ni chuang lo va, a rang thei ang berin damdawi in hnai ber panpui nghal tur a ni.
Heart attack enkawl dan household remedy a awm lo tih hriat tur. A zangthal zawngin mut tir a, a thawmhnaw te phelh thawl sak a, damdawi pan nghal tur, aspirin tablet khat rawt sawm emaw thial sawm tir a, lem tir tur a ni.
A lei (tongue) hnuaiah Sorbitrate tablet pek tur a ni a, mahse, a BP a tlahniam a nih chuan pek loh tur. Thirfianin glucose powder ei tir emaw, a lei hnuaiah emaw pek thin tur. Thil tuiril intur thlum chi pek loh tur.
Damlo chu nikhaw hreloin a awm a nih chuan CPR (cardio pulmonary resucitation) pek tur a ni. A awm (chest)-ah nemin mouth-to-mouth respiration pek tur a ni.
First-aid-ah innghat a, lungmuang mai lovin, damdawi in hnai ber a rang thei ang bera pan tur a ni. Doctor clinic emaw pan tur a ni lova, emergency section emaw casualty emaw pan nghal tur a ni.
I chetran dan kha a nunna atan a pawimawh tih hria la, chutih rualin tuten emaw thil scientific lem lo tak, a tha ni a an sawi te chu rin hauh loh tur a ni.