Engtin nge i biak tan ang!
Tichuan, a phone number i nei ta a, mahse, engtin nge i biak tan ang. I phone-ah a number i’n hmetchhuak a, mahse, sawi tur i hre si lo.
Hetiang boruak hi kan tawng deuh fur tawh awm e, biak kan chak si, kan biak mai ngam si loh te an awm thin. Chutiang huna tih dan tha ni a relationship lama mithiam te sawi kan rawn tarlang e.
1.I biak hun tur thlan uluk a ngai hle. Zingkar hma lutuk leh zan rei tawh lama biak te a fuh lovang. Tlailam dar 3:00 leh dar 6:00 inkar vel a tha ber niin an sawi.
2. I vawikhat call-naah a chhang lo che a nih chuan mesage hnutchhiah suh. Mamawh lutuk angin i lang hlauh ang e. I call a chhang lo che a nih chuan, nghak deuh la, eng emaw chen hnuah all leh la, chuta a la chhang lo che a nih chauhin message i hnutchhiah tawh dawn nia. Chuan, a rawn call ve hun che lo nghak tawh mai rawh.
3. I message tur chu ngaihtuah uluk rawh. Tawi fel tak ni rawh se. Chu chu i number i dial hmain ngaihtuah lawk ang che.
4. I call chhan tur insiam thiam a tha. In thianho thil tih khawmnaah tel ve tura sawm emaw, thil dang remchang ngaihtuah rawh.
5. Inbiak vawikhatnaah rei tak biak tur a ni lo, chutah pawh in hlim lai taka tihtawp i tum dawn nia. Min ti nui tute hi chu biak leh kan chak riau thin, chuvangin a rawn call back zawk theihna cha chance a sang tlat.
Engtin nge i biak tan ang!
Get real time updates directly on you device, subscribe now.
Next Post