Thawhtan zing khan NBA finals game hnihna khelh a ni a, game khatnaa tlawm Miami Heat chuan hnehna pawimawh tak an chang a, series-ah 1-1 a ni ta chiah.
Final game hnihnaah hian Miami Heat in bul an tan tha a, quarter hmasa berah point thumin chungnung zawkah an tang. Quarter hmasa berah chetha mah se quarter hnihnaah Heat hi hnufual zawk an ni ve thung a, point rukna hnufual chungin chawlhlawk an hmang.
Chawlhlawk hnu lamah Nuggets in bul an tan tha ve thung a, quarter thumnaah point hnihin an chungnung zui leh a, point 11 a hmahruai chungin quarter hnuhnung ber an hmachhawn. Quarter hnuhnung berah hian hnehna chan let tumin Miami Heat in an theihna zawng zawng an hlan a, zawm nawn leh tura ngaih ni hman mah se an khingpuite hi point thuma lehthal hramin point 111-108 in hnehna an chang.
An mualah an tlawm tum hian Denver Nuggets tan Nikola Jokic chuan point 41 zet a thawkchhuak a, chetha viau mah se a team a chakpui zo chuang lo. An mualah Heat in an lehthal hi Marh 30, 2023 hnu lamah an mualah ngei Nuggets an tlam vawi khatna a ni nghe nghe. Final thawh thumna hi zirtawp zingah khelh a ni ang a. 8th seed ni chunga champion hmasa ber nih tum Miami Heat in hnehna chan nawn ngei tumin thapui an thawh zui leh ang.
Heat in Nuggets an nihrual
Get real time updates directly on you device, subscribe now.
Prev Post
Next Post