A vanglaia a hla puitling atanga naupang thlengin an sak pui thup thup theih Lalzetluanga, JV-a tia hriat lar, ‘Hei ha Hui ha’ tih hla satu chu nimin chawhnu dar 2 khan Mualkawi khua-ah vui a ni ta.
JV-a hi kal (kidney) tha lo avanga inenkawl reng tawh niin, nimin zing dar 8:30 vel khan Champhai-a a chenna inah a thi a, Champhai atangin an in pui, Mualkawi-ah a ruang lak niin, chawhnu dar 2-ah an vui ta niin thu kan dawng.
JV-a hian 2008 vel khan ‘Hei Ha Hui Ha’ tih hla music video siamin, a vanglaiin local channel-a hla tlanah pawh thlan hlawh ber te zinga mi a ni a, hla hlimawm leh sak nuam chi a ni a, naupang leh puitling thlengin an sak pui thup thup theih hla a ni. Tu zaidan mah entawn lovin, mahni style a rawn dinchhuah pui thei a ni.
Hla dang pawh a nei nual nain ‘Hei Ha Hui Ha’ hi a hla zinga hriat hlawh ber a ni ta a ni.
‘Hei Ha Hui Ha’ hla satu JV-a a awm ta lo
Get real time updates directly on you device, subscribe now.
Prev Post