Ruihhlo a hluar a, ruihhlovah pawh heroin a hluar ber ang tiin a sawi theih ang. Heroin hluarzia hi khawlaiah pawh a hmuh theih a, a mantu lam pawhin an man malh malh e.
Mizoram Excise & Narcotics (MEN) department-in kuminah May thla thleng khan heroin hi kg 28.369 an man tawh a, thla nga chhunga mi-ah chuan tam tak a ni.
2021-ah khan heroin hi a hluar hle tawh a, khami kum khan kum tluana an man chu kg 18.906 a ni. Chu aia tam fe chu kuminah thla nga chhungin an man tawh.
2019-ah khan heroin hi a hluar nasa tawh a, kg 12.596 an man. Kha kha kum khat chhunga kg 10 an man tlin vawi khatna a ni. 2022-ah phei chuan kg 30 chuang an man a, 2023-ah phei chuan kg 80 dawn an man.
Heroin man tur hi a pung telh telh a, 2015 kha MEN department-in kg 4 an man tlin vawi khatna niin, kha khan tam tih a hlawhin mak tih te hial a hlawh a, tun hnua ngaihtuah chuan a lo tam lo tia sawi theih a ni tawh!
Kg 4 an man tlin vawi khatna 2015-ah khan kg 4.088 an man a, 2017-ah kg 6.186, 2018-ah kg 8.716 an man.
MEN department hotute chuan heroin a hluar a, mahse tualchhungah heroin mamawhna a pung thut tihna a ni ngawt lo tiin an ngaihdan an sawi.
Mizorama heroin an manah hian hmun danga mi tur a tam an ti a, Mizoram hi a tawlhna kawng a ni a, hmun danga mi tur, Mizoram kaltlangpui tur a tam an ti. A hlawm lian thama an mante phei chu hmun danga mi tur a lo ni deuh zel zawk an ti.
-- Advertisement --
Kum Man zat
2024-ah
(Jan-May) Kg 28.369
2023-ah Kg 79.359
2022-ah Kg 33.418
2021-ah Kg 18.906
2020-ah Kg 11.710
2019-ah Kg 12.596
2018-ah Kg 8.567