Himachal-ah leimin nasa a kum telin tam

Himachal Pradesh chuan tun hnai kum hnih chhungin leimin liantham a tawn hun dang nena khaikhinin a let ruk laia tam a tawng a. Kum 2020 khan leimin liantham tum 16 a thleng a, kum 2022 khan tum 117 lai a thleng thung niin disater management department data lakkhawm chuan a tarlang.
State ah leimin mai theihna 17,120 lai a awm a, heng zinga 675 te hi infrastructure pawimawh leh mihring chenna bul hnai a ni. Leimin nasa awm theihna hi Chambaah tam berin 133 lai a awm a, Mandi (110), Kangra (102), Lahaul leh Spiti (91), Una (63), Kullu (55), Shimla (50), Solan (44), Bilaspur (37), Sirmaur (21) leh Kinnaur (15) a awm a ni.
Ruahsur nasa, tlang pang laih leh a bulthuta lung lak nasat te chu leimin nasa thlen chhan ber tiin mithiam te chuan an sawi.
Tlangpangte chu construction atan leh kawngpui zauh nan laih nasat a ni a, hei bakah hian tunnel te siam nana hal nsat nibawkin hydro project leh mining te chu leimin siamtu nasa ber ber tiin geological expert Prof. Virender Singh Dhar chuan a sawi.
Ruahsur hun chhung a rei lo tawh zawk nachungin a sur hun laiin hun dang zawng aiin a tla nasa thung a. Temperature sang leh ruahsur nasa bawk si chuan leimin nasa zawk a siam a ni tiin Scientist (Climate Change) Suresh Attre chuan a sawi.
Kum 2022 a leimin liantham thleng 117 awmah a tam ber 21 chu Kullu ah a thleng a, Mandi ah 20, Lahaul ah 18, Spiti ah pawh 18, Shimla ah 15, Simaur ah pakua, Bilapsur ah pariat, Kanga ah panga leh Kinnaur leh Silana ah pathum ve ve leh Una-ah pakhat a thleng a, Hamiprur ah chuan a thleng ve lo thung.
Leimin tam ber hi furpui laia thleng a ni tiin Special Secretary, Disaster Management, Sudesh Mokta chuan a sawi a. Mihringte chetvelna leh hmasawnna atana natural resources hman nasat chuan ecology a tibuai nasa a ni tiin a sawi bawk.
Leimin nasa tak awmna hmun te hi Jhandota, Kakroti leh Sapdoth Panchayat, Chamba ah te, Mcleodganj hill leh Bariara village, Kangra-ah te, Baridhar atanga Kalyan Ghati road, Mansar near Salogra leh Jabalpatwar village, Solan, Kotrupi, Doada Hanogi, 5, 6 and 7 mile near Pandoh leh village Nagani, Mandi district te chu a nasat zualna te a ni.
Heng bakah hian Urni Dhank, Batsari, Nesang, Purbani Julha, Kinnaur bakah Nigulsari August 11, 2021 a leimin avanga mi 28-in nunna chana mi 13-in hliam an tawrhna te chu a tel bawk a. Heng hmun tam ber te hi Shimla district huam chhunga awm te an ni.
Chief Minister Sukhvinder Singh Sukhu chuan National Highway Authority of India (NHAI) te chuan kawngpui zauh avanga leimin laka him zawk nan concept paper ans iam tur thu sawiin leimin danna turin Rs 300 crore ruahman a nih thu a sawi bawk.
National Remote Sensing Centre, ISRO te chuan Landslie Atlas of India an siamah Himachal Pradesh-a district 12 te chu leimin nasa thlen theihna tiin an sawi bawk a.
Leimin a thlen zin em avang hian early warning leh land monitoring system te dah niin heng khawl te hian leimin mai thei tur a hrilh lawk thei niin official te chuan an sawi.