U.S.-based short seller Hindenburg Research te chuan Gujarat-based Adani Group te chu bei letin conglomerate te chu ‘India hma lam hun hup bet’ ti hialin an puh.
-- Advertisement --
Kar kalta Nilaini khan Hindenburg Research te chuan report ‘Adani Group: How The World’s 3rd Richest Man Is Pulling The Largest Con In Corporate History’ tih chu kum hnih investigation an neih hnuah tichhuakin chutah chuan ‘leiba tam tham tak’ nei angin a puh a. Financial researcher leh short seller ni bawk te chuan Adani chekawite chu stock tichingpen leh kum sawm chuang inbumna kalpuiah an puh bawk.
He report tihchhuah a nih hnu hian Adani Group CFO Jugeshinder Singh chuan chhanletna siam zuiin, “He report tihchhuah hian Adani Group te tihhmingchhiata Adani Enterprise atanga Follow-on Public Offering (EFO) kalpui mai tur chu tihchhiat a tum a ni” tiin a sawi thung.
Adani Group te chuan Hindenburg Research te hi dan anga khin an tum thu an sawi chu Hindenbrug Research te chuan an cho thu an sawi zui nghal bawk.
January 29 khan Adani Group te chuan phek 413 laia chhah Hindenburg Research chhanletna siama tichhuakin chutah chuan ‘Awmze nei taka India beihna’ tiin an sawi a.
Hei hi chhang letin Hindenburg Research te chuan inbumna chu ‘nationalism hmanga hliah khuh tum chi a ni lo’ tiin an chhang let a. “Adani Group te hian an hausak chak em emna leh an Chairman Gautam Adani hausakna chu India hlawhtlinna nen hmehbel an tum a ni. Chu chu kan pawm ve lo va. Keini chuan chiang takin India hi vibrant democracy a ni a, superpower ni mek hma lam hun eng tak nei a ni,” tiin an sawi ve thung.
January 30 khan Adani Enterprise share te a tlakhniam hnuah 9.5% ah a sang chho leh a, mahse, Adani Group hnuaia company hran hran te chu an tlahniam zual zel thung.
Tute nge Hindenburg Research?
Hindenburg Research hi kum 2017 khan chartered financial analyst leh chartered alternative investment analyst Nate Anderson an a din a ni.
Forensic financial research company leh ‘activist short seller’ tiin an insawi. Accounting lama thil fel lo te, undisclosed transaction, illegal/unethical business leh financial reporting practices lam thlurbing an ni.
A hma pawhin Hindenburg Research te hian company hrang hrang hen entertainment company Genius Brands, electric vehicle manufacturers Nikola Corp. leh Mullen Automative tea thil fel lote a lo report tawh a. Kum 2022-a Elon Musk an Twitter a lei tum hmasak ber khan Twitter share price a tlakhniam tur thu a lo sawi lawk tawh bawk.
September 2020 khan Hindenburg Research te chuan Nikola Corporation chu ‘Founder leh Executive Chairman Trevor Milton a career a dawt tam tak inphan tuak behchhana din a ni’ tiin an sawi a. Report an siamah Hindenburg Research te chuan Nikola te chuan video pakhat ‘Nikola One in Motion’ tih semi-truck kawngpuia chak taka a tlan lai an tichhuak a. Hindenburg Research te chuan he truck hi ama chaknaa tlan ni lovin awih tlanah a tlan thla zawk a ni an ti a, a hnuah Nikola te chuan a dik thu an nem nghet a ni.
Hindenburg Research te report avang hian Milton chuan a ban phah a, SEC leh Justice Department ten an chhuichian zui phah a ni.
June 2020 khan Hindenburg Research te chuan Genius Brands, TV poduction company te hlutna chu a hlutna aia alova luakchhuaka hlua sawi tia sawiin thla khat chhung lekin a hlutna $1.50 bak a ni lovang an tihsak a.
“Company te ngei pawhin kan pawm dan chu min pawmpui zui a, an share te chu $ 0.35 atanga $1.20 vela hlut turah an ngai a, chu chu current level atanga hisapa 83%-95% vel laia hniam a ni,” tiin Hindenburg Research te chuan an sawi a. An sawi lawkna chu thleng dikin July 2020 chuan Genius Brand te stock price chu $1.50 ah a tlahniam a ni.
History anga chhut chuan Hindenburg tih hi commercial German passenger aircraft series niin kum 1937 khan aviation disaster tawngin Hindenburg airship ah kangmei chhuakin New Jersey, US a airfield a chawlh a tum laiin tihchhiatin a awm a ni.
Hindenburg Research in Adani Group te a sawi dan?
Hindenburg Research te chuan Gautam dani chuan tun hnai kum thum chhungin a hausakna $ 100 billion chuangin a belh a, a chhan ber pawh he group-a company pawimawh pasariha stock price san vang niin 819% velin a sang a ni an ti a. Heng Adani hnuaia company pawimawhte hian leiba an ngah bawk a, chung zingah chuan ‘an stock pung chu loan anga pek an intiam’ a ti bawk a. He Adani company-a hruaitu lawk nihna te chu Adani family member-te vekin an chelh a ti bawk.
Investigation an neihnaah Hindenburg te chuan Adani Enterprise leh Adani Total Gas te auditor chu firm te reuh te Shah Dhandharia tih te an ni a ti bawk a. researchers te chuan he firm hian website pawh anei lo va, historical archive en chuan partner pali leh hnathawk 11 chauh a nei an ti bawk a ni.
Hindenburg Research report tihchhuah avang hian kar kalta khan Adani Group te chuan $ 48 billion lawih an hloh phah a ni.
Eng nge Short Seller?
A awlsam thei ang bera sawiin short seller chu company stock price tlahniam tura sawi lawktu a ni ber. Investor borrow stock short sell-tu chuan open market-ah hralhin a man leh hlutna a tlakhniam viau hnuah sum seng tlem zawka lei let leh tum thin a ni. Short seller hian an stock hralhah neitu nihna an nei lo va, nakina a man tlahniam tura an rinnaah an dahkham tawp mai a, risk nasa takin an la a ni.
Investor stock short sell tumtu chuan a tlangpuiin dealer hnen atangin emaw brokerage company hnen atangin emaw a puk phawt a ngai a. Hei vang tak hian trader chuan market atangin stock chu pawisa siam dawn lo mahse a lei let leh ngei ngei a ngai a, a chhan chu stock te chu broker hnenah pek let leh ngei ngei a ngaih vang a ni.
Short seller-in hlawkna a neih chu stock te man tlawm zawka a leilet leha profit a neih chu a ni. Mahse, a thapna a fuh lova stock price a sang a nih chuan short seller chuan a hloh zui thung thin.
Short selling hi investment hlawk tak a nihna a awm a, mahse, pangngaia stock lei leh hralh anga him a ni lova a risk a sang em em thung. Stock value tlakhniam chu a profit neih theihna ber a nih avangin a scope a chhe hle a, hei mai bakah hian stock man a ngai reng emaw a sang emaw a nih chuan sum tam tak hloh theihna a ni bawk.
Tu te nge activist short sellers?
Hindenburg Research te chuan activist short seller – financial researcher company te thuk taka zir chiang a, an tihdik lohte hre chat chata company a hlutna aia sang uchuaka dah te, mipuite hnena hriattirtu tiin an insawi a. Activist short sellers te hian an chhui chian company te stock a tlakhniama an hlutna an hlohin profit an neih theih an beisei thung a ni.
Activist short seller te hian an sum hloh theihna sang tak neiin a chhan chu mipui nawlpui rilru puthmang chu sawi lawk hleihtheih a ni lo tlat a ni. Social media chu short selling activism te tana hmun pawimawh a ni tiin White & Case law firm te chuan an sawi a. Hindenburg Research te hian Twitter ah follower 2,92,000 an nei a, Anderson ten 27,000 an nei bawk.
Hindenburg Research te hian accounting lama thil fel lo, transaction sawi lan loh, dan kalha sumdawnna kalpui leh financial reporting dik lote an thlurbing a.
Hindenburg research te chuan Gautam Adani chuan tun hnai kum thum chhungin a hnuaia company lian pasarih te stock price appreciation hmangin $ 100 billion chuangin a hausakna a belh phah an ti a ni.