Hip-Hop kum 50 tlin champha lawmna concert nei dawn
Live Nation, Mass Appealleh Yankee Stadium tangkawp chuan hip-hop kum 50 tlin champha lawmnan August thla nian The Bronx-ah Hip-Hop 50 Live Concert an buatsaih dawn a, he concert-ah hian hip-hop khawvela hming lo chher tawh leh huhang nei lian tak tak te an inlan dawn a, chung zingah chuan Run-DMC, Lil Wayne, Snoop Dogg leh Ice Cube te pawh an tel.
He concert hi August ni 11 a neih tur a ni a, ticket pawh an hralh chhuak tan tawh a, Emmy Award pawh lo dawng tawh BASSic Black Entertainment CEO Adam Blackstone leh producer leh keyboardist Omar Edwards te chu he concert creative music director tur an ni a, hip-hop khawvela hmeichhe hmingthang Eve, Trina, Remy Ma leh Lil Kim te pawh an perform a, hip-hop lo dinchuah nana mi pawimawh Kurtis Blow, Melle Mel, Roxanne Shante te pualin hun te pawh an hmang dawn a, T.I., Fat Joe, Common, A$AP Ferg, EPMD, Ghostface Killah, Lupe Fiasco, leh Slick Rick te pawh an inlan dawn a,DJ set lamah Clark Kent, Marley Marl, Mannie Fresh, leh Battlecat te an awm dawn bawk e.
Hip-Hop kum 50 tlin champha lawmna concert nei dawn
Get real time updates directly on you device, subscribe now.
Next Post