Hlauhawm taka lirthei khalh avangin Pete Davidson an hrem

March thlaa thil thleng kha a ni a,comedian Pete Davidson chuan Beverly Hills-ah a car-in fire hydrant a su chhia a, he chetsualna avang hian thi leh hliam tuar an awm lo nain, Davidson hian hlauhawm taka lirthei a khalh avangin Los Angeles County District Attorney chuan Davidson hi darkar 50 chhung vantlang taka hna tha thawk tur leh darkar 12 chhung traffic school a kal turin a hrem. Vantlang tana hna tha a thawh tur hi thla 18 chhunga thawk zo hman turin a ti bawk.
Davidson-a ukil chuan Davidson hian a community service hi New York Fire Department tana thawh a tum thu a sawi a, he department-ah hian Davidson-a pa hi a lo thawk tawh thin a, 9/11, World Trade Center-in beih a tawhnaah khan nunna chan zingah a tel a ni. New York City Fire Department chuan, “9/11 hero fapa a ni bawk a, Davidson hi a community service turah lawm takin kan lo pui ang e,” an ti ve bawk.