Hlawh lak har vangin
DIET hnathawkte nuar
District Institute of Educational and Training (DIET) thawktute chuan thla ruk chhung hlawh an lak tawh loh avangin hna an chawlhsan lailawk tih an sawi.
Association of Mizoram DIET Employees (AMDE) chuan an service chungchangah harsatna hrang hrang an tawh thin avangin thla ruk chhung hlawh an la tawh loa, Mizoram sawrkarin an hlawh atana a tum ve tur, state matching share a pek theih loh avangin thawktuten an eitur ngaihtuah a ngai a. An hna hi an thawk thei tawh rih lo tih sawiin, 2023 May 1 atang khan an chawl lailawk tih an sawi.
An dinhmun sawiin AMDE chuan, teacher education (DIET) hi kum 1953-a din a ni a, 1988-ah CSS hnuaia dahluh an nih atanga tun thlengin Mizoram sawrkarin state service-ah a la senglut lo. DIET hnuaia thawktute hlawh tur hi sawrkar laipui leh state sawrkarin 60:40 a tumin, state-in a tum ve tur 40% hi state budget-a dah a nih ngai loh avangin central-in a rawn tum thin hman zawh a nih hnu ah hlawhah harsatna an tawk ngei ngei thin tih sawini, ‘He harsatna sukiang turin state budget-ah state-in a tum tur chin hi dah luh ve kan duh,’ an ti.
Para academic staff post engemawzat kum 2021 atanga central-in an hlawh a rawn pek tawh loh te, tun thlenga an dinhmun chinfela la awm lo chu a rang thei ang bera an dinhmun chinfel an duh tih an sawi a. NEP 2020-in stand alone institution a phal tawh loa, DIET kal zel dan turah Mizoram sawrkarin ruahman chhinna takngial pawh a la nei lo tih an sawi bawk.
Hlawh lak har vangin DIET hnathawkte nuar
Get real time updates directly on you device, subscribe now.