Kan ngaihhlut deuh kan chân hian kan tuar thin. Kan hmangaih te nena inthenna- thihna vang emaw, chhan dang vang emaw pawh a ni thei. Kan thil neih hlu tak kan chân hian kan chunga thil thleng thin a awm niin psychology lama mithiam ten an sawi.
Hetianga kan ngaihhlut zawng tak kan chân hian kan nun chu chhawng ngain a then theih niin an sawi a:
1. A hmasa berah chuan kan awih phal lo. Chutiang chu kan chunga thleng turin kan ring thei lova, a thleng tak tak lo tura ngaihna te kan nei thin.
2. Kan awih phal lohna chu thinrimnain a zui a, “Engati nge hetiang hi ka tawn bik” tiin mahni inkhawngaihna leh thinrimna kan nei a, a ‘fair’-lo, a dik thei lo, tihna rilru kan pu thuai thin.
3. Thinrimna chu depression-in a zui duh hle a. Kan hloh leh chân te chuan min ti lungngai a, lunglenna leh mal ngawih ngawiha inhriatna te bakah beidawnna thlengin kan neih phah theih a ni.
4. Chumi hnuah chuan mahni inhnemna tur kan zawng ta thin. Kan thil chân leh hloh chu a thlakna tur kan ngaihtuah ta thin.
5. Chutiang boruak zawng zawng kan tawn hnuah chuan kan awmdan leh boruak tawn chu kan pawmthiam tan a, thil kal tawh chu kal tawh a ni tih kan pawm thiam a, hun kaltawha cheng reng lovin, ‘tun’ hunah cheng turin kan inzir thiam ta zawk thin a ni.
Hloh neih nun!
Get real time updates directly on you device, subscribe now.
Prev Post
Next Post