Tuivawl bialtu MLA, minister Lalchhandama Ralte chuan a bial chhung khua a fannaah Zirtawpni khan Mauchar Village Council House a hawng a, hmar khaw thim chu tih enin a awm mek tih a sawi.
Hrileng vanga hna thawk thei loa kum hnih chhung khawvel a buai hnu leh, sawrkar sum leh pai a tla chhe chungin, hmar khaw thim zangkhaw bungbut hnan tihen mek a ni, tia sawiin, “Hmar thimpui tih enna tur hian kawngpui thar sial leh a awmsa siamthat hna te, tui harsa khuate tan tuilak hnate thawh a ni a. Zirna lamah pawh zirtirtu dah belh leh building sak thar hna thawh a ni a, zirlai an pung zel a. Hriselna lamah pawh thawktu dah belhin thuamthat ngaite thuamthat a ni,” a ti.
Manipur nena inkalpawhna leh Bhaga nena inkalpawhna kawngpuite chu zawhfel a nih hunah chuan hmar khawthim Zoram khaw tawp kha kawtchhuah thar a ni dawn a, he tlangdung hian awmze neiin hma a sawn mek, tiin a sawi a ni.
School Education minister hian Mauchar Primary School building-a naupang an len loh avanga hmundanga class kalpuite chu a tlawh a, an mamawh a hmunah a en nghal.
Minister hian a bial chhunga Upper Sakawrdai khaw hmun thar a tlawh bawk a, school building sakna tur a en. Khawtlang hruaitute bulah khaw thang zel tur thlira school building sak dan ruahman a tul tih a sawi a. Naupang infiamna tur thleng pawha ruahman a tul tih a sawi.
Hmar khaw thim tih enin a awm mek – Lalchhandama Ralte
Get real time updates directly on you device, subscribe now.
Prev Post
Next Post