Hmeiche zinga Twitter-a follower ngah ber Rihanna

Hmeiche zinga Twitter-a follower ngah ber Rihanna
Rihanna tan kumin hi kum tha a ni awm e, a fa pahnihna tur a pai a, billionaire a ni bawk a, tunah chuan Katy Perry lehpelin hmeichhe zinga Twitter-a follower ngah ber a ni leh ta.
SocialBlade-in a tarlan danin niminpiah khan Rihanna hian Twitter-ah follower 10,82,78,326 neiin, Katy Perry hian follower 10,82,61,949 a nei ve thung a, Rihanna hian follower 16,000-in Katy Perry a lehpel ta a ni. Hmeichhia chauh ni loah chuan Twitter-a follower ngah ber chu Twitter neitupa Elon Musk niin, follower maktaduai 134 a nei a, US President hlui Barack Obama chu pahnihna niin, follower maktaduaio 133 a nei a, pathumna Justin Bieber-a’n follower maktaduai 113 neiin, Rihanna leh Katy Perry te hi palina leh pangana an ni.
Twitter-a follower ngahah hian Taylor Swift chu pasarihna niin, folower maktaduai 92 a nei a, Lady Gaga pawhin follower maktaduai 85 neiin, top 10 khartu a ni.
Follower neih tam danah Twitter leh Instagram a inang lo hle a, Instagram-a follower ngah ber chu Cristiano Ronaldo niin, follower maktaduai 574 a nei a, pahnihna pawh footballer tho, Lionel Messi niin, follower maktaduai 454 a nei ve thung.
Hmeichhe musician zinga Instagram-a follower ngah ber chu Selena Gomez niin, maktaduai 410 a nei a, Ariana Grande-in maktaduai 362 neiin pasarihna a ni a, Kim Kardashian-in maktaduai 350 neiin pariatna a ni a, Beyonce-i’n maktaduai 302 neiin pakuana a ni a, Justin Bieber chu 11-na niin, follower maktaduai 283 a nei ve thung.