Jeep Meridian Upland & Meridian X
Jeep India chuan an Meridian SUV chu special edition model chi hnih- Meridian Upland leh Meridian X te chu India-ah an tlangzarh a, a model a zirin Rs 33,41,000 atanga Rs 38,47,000 man te an ni. Meridian X hi khawpui chhunga han theuleu pui deuh chi a nih laiin Upland hi chu kawngchhe deuhah pawh han sawhpui bawp bawp atana tha tur chi a ni ve thung.
Meridian X hian body-coloured cladding leh side moulding a nei a, grey roof leh alloy wheels leh grey pocket nen a neih bakah side steps, puddle lamps leh ambient interior lighting a nei bawk.
Meridian Upland hian bonnet decal leh functional roof rack neiin, Galaxy Blue paint a ni a, side steps a neih bakah splash guards, boot organiser, sunshades, cargo mat leh tyre inflator te pawh a nei.
A mechanical-ah tidanglam a awm lo va, 2.0-litre MultiJet II diesel engine neiin, 168 bhp leh 350 Nm torque pechhuak thei a ni a, 4×2 version pawh awmin, six speed manual leh nine-speed automatic transmission-ah duhthlan tur a awm a, 4×4 version-ah chuan nine-speed automatic gearbox chiah a awm thung.
Jeep Meridian Special Edition tlangzarhna a thusawiin, Jeep India hotupa Nipun Mahajan chuan, ” Jeep Meridian special edition kan tlangzarh thei hi kan phur hle a, SUV styling chi hnih kan lantir a ni. Jeep Meridian hi Special Edition hmangin bung thar kan kaipuia, khawpui chhung lawh off-road-ah pawh a langsar vah ang. He special edition hi kan thuam tha a, a danglam bawk a, customer a huam zau zawk tawh dawn a ni,” a ti.
Jeep Meridian Upland & Meridian X
Get real time updates directly on you device, subscribe now.