Hmeichhe chunga chet dan vangin hnamdang chhuah khap

Hmeichhe chunga mawi lo taka chetna thleng vangin (Durtlang) Leitan Ramthar Local Council huamchhungah tiamchin awm loin, hnamdang (Vai) hnathawh phal loh a ni.
Thudawn danin, September 14 tlai khan Leitan Ramthar venga in saa hna thawk hnamdang (Vai) chuan vengchhung mi hmeichhe pakhat chu mawi lo takin a lo khawih nia sawi a ni.
He thil thleng an hriat hnu ah YMA Leitan Ramthar Branch leh an huamchhunha NGO dangte chu thukhawm nghalin, hnamdangin an tualzawl ngeia Mizo hmeichhe chunga hlei an len chu duh loin an lungawi lo a ni tih lantir nan, tiamchin awm loa pawn chhuah leh hnathawk tura an vengchhunga luh an remti lo tih an sawi.
Thudawn danin, pawikhawihtu nia hriat hnamdang hi cement mistiri a ni a, tuna an khapnaah pawh hian in saa thawk mistiri leh an helper te chu tinzawm deuh bik nia sawi a ni.
Khapna hian zawm a hlawh tha a, pawikhawihtu pawh hi manchhuah thuai an inbeisei tih an sawi.