Hmeichhe naupang pualin Ashoka thing tiak an phun

Hmeichhe naupang pualin Ashoka thing tiak an phun
State Hub for Empowerment of Women, Directorate of Women & Child Development buatsaihin Thawhtanni khan State Level Beti Bachao Beti Padhao Plantation Drive 2025 neih a ni a. Larsap General Vijay Kumar Singh (Retd) chuan a hmanpui.
Sawrkar laipui hmalakna Mission Shakti kaltlanga Beti Bachao Beti Padhao (BBBP) puala thing phun chuan hmeichhe naupangte hmasawnna tur leh environment tha nei tura hmalakna ngaihpawimawh a tul zia a entir tih larsap hian a sawi a. Hmeichhe naupang leh thing tiak phunten danglamna an thlen theihnan enkawlna leh chhawmdawlna tha an dawn a tul, tiin, thing tiak an phun chu Mizorama hmeichhe naupang zawng zawng pual a ni a; hei hian chakna, finna leh zahawmna pe se a duh tih a sawi a ni.
Women & Child Development minister Lalrinpuii pawhin thawhhona tha tak hnuaiah hmeichhe naupangte dinhmun chawikanna scheme pawimawh – BBBP kalpui a ni chu lawmawm a tih thu a sawi a. Mizoram chuan ‘sex ratio at birth’ dinhmun tha tak, national level aia tha zawk, kum 2022- 2023 ah 935 leh 2023- 2024 ah 956 a nei tih a sawi.
BBBP inzirtirna nasa taka kalpui a nih thu sawiin, nikumah IEC tiam loin mi 70208 hnenah zirtirna pek a ni a, plantation drive tum 54 neih a ni tih a sawi bawk.
Inkhawm zawhah thing tiak phun a ni a. Ashoka thing tiak an phun a ni.