Hmeichhe naupang tan kea school kal a tha
Hmeichhe naupang kea school kal thin te chuan a tlangpui thuin lirthei-a school kal thin hmeichhe naupang dang te aiin an cognitive performance (cognitive chu rilru lam kaihhnaih niin, thil hriat theihna te, zir thiam theihna te leh thil hriatthiam theihna te a ni) a tha zawk niin mithiam ten an sawi.
AVENA (Food and Assessment of the NutritionalStatus of Spanish Adolescents) study, University of Granada leh Autonomous University of Madrid, University of Zaragoza leh Spanish National Research Council, Madrid ten an neih hona atanga an hmuh danin, hmeichhe naupang tan kea school kal a that mai bakah school hnaih lutuka cheng naupang te aiin a tlangpui thuin minute 15 leh a aia tam kal ngaia hlaa awm te cognitive performance a tha zawk an ti leh zel.
Naupan laiin thluak chu a thang nasa a, cognitive function insiam nasat lai tak niin an sawi a, mahse, chutiang hunah chuan naupang physical activity a lo tlahniam a, a bikin hmeichhe naupangah a ni lehzual. Naupang chu a active loh chuan an cognitive performance tichak thei tur thil tam tak a chan phah ta thin niin an sawi.
Zirchianna neitute chuan, “Nitin kea school an kal hian an taksa hrisel nan a tha a, naupang chu nilengin a tiharh vang a, physical leh sports activities-ah te pawh a tihuaisen. An energy an hmang nasa a, chu chu kawng hrang hrangin an hlawkpui ta a ni,” an ti.
He zirchianna chungchang hi Archives of Pediatrucs and Adolescent Medicine-ah tarlan a ni.
Hmeichhe naupang tan kea school kal a \ha
Get real time updates directly on you device, subscribe now.
Next Post