Hmeichhe tan: Break nghal hmakna tur chhan tha tawk te

Hmeichhe tan: Break nghal hmakna tur chhan tha tawk te
I ngaihzawng khawsak danah khan ti thinrim riau thin che a awm em. Lenchhuah puiah a sawm che a, tlai tawkah a rawn thleng chauh a, thupha chawi nachang pawh a hre lo lehnghal! In mit a intawn deuh sek sek tur hunah tute emaw phone-a biain a tawng zuah zuah a. Chutiang mi chu kawp buai duh ting suh. Kalsan hmak mai rawh.
1. Lenchhuah puiah a sawm ve che a, mahse, a tana a awlsam zawk nan khawiah emaw lo nghak tur chein a ti che a nih chuan, lenchhuah chu theihnghilhin inah awm zawk rawh.
2. Restaurant-ah in chawl dun a, mahni ei man ve ve pekah a ti a nih chuan, taxi la la, hawsan nghal vang vang rawh.
3. Zanah chauh a rawn be thin che a nih chuan, “Ka mut a chhuak,” ti la, phone dah daih rawh.
4. Rui tawkin a rawn kal a, din pawh a ding ngil hleithei lo, a tawng a bah nuai a, mahse, a duh zia che a rawn sawi vel a nih chuan, “I zu bur kha nei zawk ta che,” ti la kalsan nghal rawh.
5. Restaurant-ah a kal pui ve che a, i duhzawng ngaihtuah miah lova ama duh zawng hlir a order zut zut a nih chuan, ‘Nangmahin ei mai rawh,” tiin kalsan daih rawh.
6. Restaurant-ah a chawlhpui ve che a, a man tlawm tlawm a thlang zut zut em ni! Mi inren lutuk bulah zawng hlim a har teh mai a nia!
7. A nuam tih zawng ringawt a ngaihtuah a, a duhna hmunah a hruai che a, i duhna hmunah i hruai ve thei si lo a nih chuan, ama tawka awm turin kalsan daih rawh.
8. In pahnih chauha in awm lai chuan a ‘darling’ thei ang berin a awm a, a thiante emaw, a chhungte emaw bulah biak pawh a biak that duh loh che chuan, engnge maw a bulah i tih ve reng le?
9. A engamah hmain a ngam nghal bawrh bawrh lutuk che a, a kuah nghal deuh thuak thuak mai che a nih chuan, a ranga rangin tlanchhiatsan nghal rawh.
10. Engamah hmaa zahmawh rawngkai message thawn che a ching a nih a, in inkar chu inphuarna leh inzawmna thuk zawk pawh awm lem lo, mipat hmeichhiat hman dunna ringawt lam a tinzawn a nih chuan, rang takin tlanchhiat san rawh.
11. I duh zawng a ngaihtuah ngai loha, ama duhzawng hlir tihpui che a tum a nih chuan chutiang mahni indah pawimawh lutuk leh midang ngaihsakna nei lo te bulah chuan tih tur engmah i nei lo tih hria ang che.
12. Engtiklai mai pawha i bula awm reng tum ang chi, khawiah pawh kal la zui ve zel tum tur chi ang hi. Chutiang mi bulah chuan zalenna i hmu lovang. |hian dang zawng ve turin hrilh hmiah rawh.
13. In pahniha inawm laiin a phone a lo ri a, i awm ve tih pawh hre lo ang maia an inbe ta ngat ngat a nih chuan, duh leh a phone nen chuan inngaizawng se a ni mai, tiin hawisan hmak rawh.
14. A hmeichhe duhthusam i bulah a sawi zuah zuah thin a, a duhthusam ang chu i nih si loh chuan, a duhthusam chu zawng turin “kal mai teh” tih mai teh!
15. A hna ringawt a ngaihtuah a, i bula a awm lai pawha a hna chungchang bak sawi tur dang a hre ngai lo a nih chuan, a office-ah riak nghal law law se, a nih loh leh a thawhpui tu emaw date zawk mai rawh se!
16. Inla ‘expi’ vel lutuk, thil engkim tawng tawh ang hrim a zak thei lo taka hmeichhia zawkin mipa te chhai tura ngai chi a nih chuan, hmeichhe ‘expi’ deuh zawk zawng turin kal tir mai teh.