Mokawr chei nana crystal hmang hnem ber record siam

Mokawr chei nana crystal hmang hnem ber record siam
Sì Sposaitalia Collezioni fashion show-ah mo thuam thuitu hriathlawh Michela Ferriero chuan mokawr danglam tak maiu a phochhuak a, he mokawr chei nan hian Swarovski crystal 50,890 teh meuh a hmang a, mokawr chei nana crystal hmang hnem ber record a siam.
Michela Ferriero hi thawmhnaw manto thui mai bakah art lamah pawh an lar riau a, tuna an mokawr thui hi tight-fitting, sweetheart neckline an tih ang chi niin, a puan hi transparent a ni a, kawr thui hian hian thla li vel zet hun an hmang niin an sawi.
A tirah a puan leh hmanraw hman tur an ngaihtuah fel vek a, chumi hnuah an design chauh a, he mokawr thui tur hian mahni thiam zawngah pawh mi chungchang tak hlirin kut an thawh a, crystal zawng zawng hi kut lawngin puanah hian hriau hmanga thui beh vek a ni a, crystal thui beh nan hian darkar 200 zet an hmang niin an sawi bawk.
Show neih ni-ah he mokawr hi model Marche Gelany Cav-alcante-i’n a ha chhuak a ni.
Guinness World Record siam tur chuan an crystal hman zawng zawng hi a lem a ni tur a ni lo va, a quality leh a tak a nihna tichiang thei tur certificate an neih vek a ngai bawk. A hmaa hetiang record siamtu chu Turkey lam chhuak Özden Gelinlik Moda Tasarim Ltd. niin, anni hian January 2011 khan Forum Istanbul Shopping Mall, Istanbul, Turkey-ah an mokawr hi an phochhuak a, an mokawr chei nan hian crystal 45,024 an hmang.