Hmeichhe tan in tur thlum chi a tha lo

Mithiam ten zirchianna an neih hnuah nitin in tur thlum chi (sugary drinks) no 2 leh a aia tam in hian hmeichhe kawng a tilian a, chubakah lung lam natna leh diabetes risk a tisang thei niin an sawi.
University of Oklahoma Health Sciences Centre-a mithiam te chuan hmeichhia kum 40 vel leh kum upa lamah enchinna neiin, nitin in tur thlum chi no hnih emaw a aia tam (entir nan carbonated sodas- Coca Cola, Pepsi, Fanta, etc leh chini hmanga thil tih thlum)te in thin te chuan a in ve ngai lo te aiin diabetes leh lung lam natna neih theih risk a let li dawnin an nei sang zawk niin an sawi.
He zirchianna an hotunu Christina Shay chuan, “Hetianga nitin thil thlum lam no hnih emaw a aia tam eawm in thin te chu triglycerides a lo sang a, chu chuan diabetes risk hi a tisang thei a ni,” a ti.
He zirchianna chungchang hi American Heart Association’s Scientific Sessions 2011-ah chhawpchhuah a ni.