Mithiam ten zirchianna an neih tharah hmeichhe zu in te tan hnute cancer risk a sang niin an sawi a, kar khata zu vawi 3-6 in te thin te chuan a in ve ngai lo te aiin hnute cancer neih theihna risk 15%-in an nei sang zawk niin an sawi.
Mithiam te chuan kum naupan deuh laia in leh upat deuh hnua in pawhin hnute cancer risk hi a tisang thei ve ve niin an sawi.
Brighan Women’s Hospital leh Harvard Medical School, Bostin a mithiam ten zirchianna hi neiin, hnute cancer leh zu in kaihhnawih theih dan te an zirchiang a, zu in tam dan, in ngun dan leh a in te kum zat nen uluk takin zirchianna hi an kalpui a ni.
Zirchianna atan hian hmeichhe 1,05,986 te chu 1980 atanga 2008 thleng an zu in thin dan te teh a ni a, chutih chhung chuan heng hmeichhe zinga 7,690 te chuan hnute cancer an nei.
Data hrang hrang an analyse hnuah ni khatah zu gram 5-9.9 (wine no 3-6 vel) in thin te chuan hnute cancer neih theihna risk hi 15%-in zu in ve lo te aiin an nei sang zawk niin an sawi ta a ni.
Hei bakah hian chawhruala nikhatah zu gram 30 (nitin zu no 2 vel) in thin te zingah chuan hnute cancer risk hi 51%-in a sang zawk niin an sawi a, kum 18 leh kum 40 inkara zu in nasat chu a pawi zual niin an sawi bawk.
He zirchianna chungchang hi Journal of the American Medical Association-ah tihchhuah a ni.
Hmeichhe zu in tan hnute cancer risk a sang
Get real time updates directly on you device, subscribe now.
Next Post