Hmeichhia kha i hrechiang em?

nngaihzawnna leh nupa nuna thil pawimawh tak chu kawppui te hriatchian hi a ni. Chu chu mi pahnih inkar tinghet tu a ni a thei a, inhriatchian lohna chuan inthenna pawh a thlen thei. Eng gne a mamawh, a hlauh zawng, a duh leh duh loh zawng, a ngainat zawng, leh thil dang pawh a tam ang, chung chu i hriat sak theih chuan in pahnih inkar i phuar nghet sawt dawn tihna a ni.
Thlasik rim a nam a, Krismas a hnai leh tan ta bawk a, chutiang hunah chuan i bialnu chuan a duh zawng han hre fuh hlauh la, a ti rilru hle dawn a ni. Khai le, i bialnu/nupui chu i hrechiang tawk em? Zawhna te hi chhang la, a tawpah i bialnu/ nupui nihna i hre thei ang.
1. I bialnu/nupui chu thinrimna tur a zawng emaw tih mai turin a awm a, a chhan hriat mang si lohin a tum khum leh ringawt thin che a. Eng nge a chhan ni ta ang?
a) Bedroom-a duat turin a duh che.
b) A thlatin hunbi neih lai a ni.
c) A hna lama a buai vang.

2. Thil tih pahin a zai deuh rat rat a, a mood a fuh hmel khawp mai. Chutianga a awm tawh chuan…
a) A thiante nen inkawmna hun hlimawm tak an hmang a ni duh khawp mai.
b) A thil tihah miin an fak a ni duh khawp mai.
c) Bazar-ah a kal dawn a ni duh khawp mai.

3. Exercise lak a tuipui thut a. Eng nge a chhan ni ta ang?
a) A taksa hi a uluk ve thin reng reng a.
b) Nalh taka lan a duhna hmunah kal a tul dawn a ni ang.
c) A thian ten ti turin an fuih a ni ang.

4. I ui ngainat em em mai a thihna a rei tawh viau nain, i rilru a la tihrehawm reng si a. Engtin nge a hnem che a i rin?
a) Intih hlimna hmunah a kalpui ang che.
b) Tawrhpui che in, a sawipui ang che.
c) Ui dang la leh turin a rawn ang che.

5. I thiante nen in inrawt phur a, len ho in tum a. I haw tlai dawn em, zanah i leng tlai deuh dawn, tih emaw i hrilh ta a. In inhmuh hunah engtin nge a awm i rin?
a) A thian nen phone-ah an titi tui lutuk, a ngaihsak hman lo che.
b) TV a en a, hlim takin a lo lawm che.
c) A tihtauh khum che.

I chhanna tam zawk chu (a) a nih chuan, i kawppui chu mahni inngaih pawimawh chi a ni a, i mamawh aiin ama mamawh a dah hmasa zawk. Eng nge i tihsak theih chin tih te a hrechiang viau a, ama ngaihdan leh duhdan te kaltlangpui a duh thin.

I chhanna chu a tam zawk (b) a nih chuan, i kawppui chuan a hmangaih che! Thil ho te te pawhin a tihlim thei a. Ama kea ding thei a ni nain, in inzawmna a hrethiam. I tan a awm reng tih hriattir che a duh thin ang.

I chhanna chu a tam (c) a nih chuan, rilru sakhat lo, awlsam taka hneh theih a ni. A ta neih deuh hlek che a inngaihzawnna/ nupa nunah ‘space’ inpek thiam pawimawhna a hrethiam lo.